10
ऐ पाहि माआ इच्छा नाहा का तुमु ई गोठी मेहे ओण जाव्या रॉय का आमाआ आखे डाये -डाये वादलाआ निचे ओते आना आखे ण डोआहा समुद्रा आ विच मेहे रोत पार ओत गोए 2 आना आखाहो वादलामे आना समुद्राम , मोशेच्या बाप्तिस्मे लेदो; 3 आना आखे एकुच आत्मिक रोटू खाद्लू ; 4 आना आखाहो एकुच आत्मिक पाई पिदो; काहाके ते तियाअ आत्मिक देगाडामेहेरोपीत ओते जे त्याआ आरी चालते ओते , आना तो डोणो येशु मसीही ओतु 5 पोन परमेश्वर त्यामेरोत खूप जनांनी खुश पोयो नाहा; त्यापोत ते जगलूम ढिंग ओतगोल्यु गोये 6 आव गोठी आमच्यासाठी उदाहरण ठरल्या होय का जेहलो तिये लोभ कोल्योओ तेहलूज आपु वाईट वस्तूऊ लोभ कोहू कायना 7 आना तुमु मूर्ती पूजा कोअनारे ओवुहू नाहेते केते जण बोन्यो ओते जेहलो लेखिलो होय , "माहे खाहुं पीईलो बोह्ये आना खेलत्लू उठे होय 8 आना आमु व्यभिचार कोईओलो जेहलो त्यांमे केताहा कोल्यु आना उनाआ दिहोम तेवीस हजार मोईत गोये 9 आना आमु प्रभूऊ परीक्षा काआडीलू जेहलो त्यामरोत केताहा कोल्यु आना हापाहा त्यापोरत नाश कोल्यु गोये 10 आना तुमु बडबड कोहू नाहा त्याप्रकारो त्यामेरोत केताहा बडबड कोअयी आना नाश कोअनराआ त्यापोरत नाश कोल्यु गोये 11 पोन आव आखे गोठी ज्या त्यांपो आव्या उदाहरण हारको कोल्यू; आना ते आम्हा चेतांवणीसाठी जुगाआ शेवटच्या टाईमोम आविलो रोतलू ओ आपाआ बोधासाठी लेखिलो गोये होय 12 त्यापोत ज्याहा लागेहे, “आय स्थिर होय ” तिये सावध रोअलो का नाहीत जाऊ कायना 13 तुमु कोडला एहलो परीक्षा माय पोडये नाहा जे माहाहा सहन कोइलाआ तिवोल होय परमेश्वर खोरो होय आना तो तुम्हामे शक्तीचे बारथे परिक्षामेहे पोडहू आपी नाहा पण परीक्षा आरी उपाय पण कोअनारू का तुमु सहन कोहू सेकेहे 14 यामुळे ऐ माआ प्रीयांनो देवावाही सेटे रो 15 आय बुद्धिमान होमजीत तुम्हामे कोतलू; जे आय कोल्यो होय त्याहा तुमु पारखत्लू 16 तो आजोहीके पिदो ज्याहा आमुहू धन्यवाद आपोहो नाहाकोत ख्रिस्ताआ रक्ताआ गोवाद्या नाहा? ती भाकर जीही आमुहू मुडीदेद्लो नाहाकोत ती ख्रिस्ताच्या डीलोओ गोवाद्या नाहा? 17 त्यापोत एकुच डील सेटू होय ताहा आमुहू पण जे जाखो जण होय एकुच डील होय ; काहाके आमुहू आखे तिया एकुच रोटामेहे गोवाद्या ओतू 18 जे डीलोओ पायाहोवांही इस्त्राएली होय त्याहा पाला नाहाकोत अर्पण खानाराहा वेदीचे गोवाद्या नाहा? 19 फासाड़ी ती नाहाकोत कोल्यो होय नाहाकोत ओ का मुर्तीही चळविल्यो अर्पण किबी होय याआ मूर्ती नाहाकोत होय ? 20 नाहा, पोन ऐ का बिहरे जाती अर्पण कोईत रोतेहे ते परमेश्वराकोअता नाहा पण खराब आत्म्यासाठी अर्पण कोअता आना माआ इच्छा नाहा का तुमु खराब आत्माआ गोवाद्या उवे 21 तुमु प्रभूआ पिदो खराब आत्म्याआ पिदो बेनजामरोत पीईअलो शकत नाहा, तुमु प्रभूउ मेजाचे आना खराब आत्म्याआ मेजाचे बेनुअजा ओवुहू शकत नाहा 22 नाहाकोत आमुहू प्रभूहु क्रोधीत कोअत्लू? नाहाकोत आमुहू त्यापोरोते शक्तिवान होय ? 23 आखे वस्तु माकोअता योग्य ताहा होय पण आखे पायदा नाहा; आखे वस्तु माकोअता योग्य ताहा होय पण आखे वस्तु लेतजा विकास उवनारा नाहा 24 कोडु आपाज हाजो ओनारो पाल्हू कायना ताहा बिहराआ हाजो ओनारो ह्दजा 25 जे किबी खाटिक बाजारामे वेचीअलो जाहो ते न शंका कोईत खा आना बुद्धी करणावाही किबी फुसिलो नाहा 26 काहाके धरती आना त्याआ भरपूरहोये प्रभूऊ होय 27 जर अविश्वासी महुमेहे तुम्हामे कोडु तुम्हामे आमंत्रण आपी आना तुमाआ जालो इच्छा होय ताहा जे किबी तुमाआगाडी मेक्ल्ये जाइअलो ते खा; आना बुद्धी मुळे किबी फुसिलो नाहा 28 पोन जर कोडु तुम्हामे कोअही , “ओ ताहा मुर्तीही चळविल्यो वस्तू होय ”, तेहालाम तिया कोनाराकोअता आना बुद्धी कारनोवाही खाऊ नाहा 29 माआ कोअलाआ अर्थ एहेलू नाहा का ताआ बुद्धी , पोन तिया बिहीराआ हाजो , माआ स्वतंत्रता बिहीरा विचाराआ काहा पारखिलो जाहू जोवे? 30 जर आय धन्यवाद आपित रोटामेह सहभागी ओतू ताहा ज्याहा आय धन्यवाद आपोहो त्याआ मुळे माआ बदनामी काहा ओते ? 31 त्याकोता जर तुमु खाही , जर पीही , जे किबी कोअनारू आखे किबी परमेश्वराआ गौरवकोअता को 32 तुम्ही यहुद्यांसाठी नाहा, युनानी याकोअता नाहा आना परमेश्वराआ मोडलीकोता पण पेलरोत पोताडीलो काहाके बोनहू नाहा 33 जेहलो आय आखाहा आखे गोठीमे खुश मेकोहो आना आपाआ नाहा पण बिहराहा फायदाकोता होद्तलो का त्याआं तारण उवे.