रोमन 3

ओमे यहूदी की बोडाई आना सुनता की फायदू 2 हरएक प्रकारोओ जाअखो किबी पहीले ताहा ओ का परमेश्वराआ वचन त्याहा तीयादेखाडले गोये 3 केधी किबी विश्वास घातकोअनारा हुवे परमेश्वराआ खोरो व्यर्थ ठरेल? 4 कदाचित नाहा! नहाते परमेश्वर खोरो आना हरएक मांहु ठोग ठरेल, जेहलो लेखिलो होय , जीयेतीये तू आपाआ गोठीही धोर्मी ठोराव्योल्यो न्याय कोइलाआ टायमोमें तू विजयी पावेल 5 याकोअता केधी आमाआ अधर्म परमेश्वराआ धार्मिकता होय ताहा आमुहू नाहाकोत कोहू ? नाहाकोत ओच का परमेश्वर जो राग कोअत्लू जुलूमकोअनारो होय ? (ओ ताहा आय माहाहा रीतीवाही कोल्यो होय ) 6 कदाचित नाहा! नाहा ताहा परमेश्वर केहलो जगोआ न्याय कोअही? 7 केधी माआ खोटो पणाच्या कारनोवाही परमेश्वराआ खोरो त्याआ गौरवकोअता , जाह्खो ओतगोल्यु प्रगट उवी ताहा फासाड़ी काहा पापाहा एकहरको दंडाआ योग्य ठेरव्यो जात्लू? 8 "आमु काहा वाईट कोहू कायना का हाजो निघेल? जेहलो का आमापो ए दोष लागाड्यू जात्लू, आना किबी कोल्यो का याआ कोअलो होय परंतु एहलो जे ठराविलु ते ठीक होय 9 ताहा फासाड़ी नाहाकोत उवे? नाहाकोत आमुहू त्यापोरोत हाजो होय ? केधीज नाहा; काहाके आमुहू यहुदी आना युनानी उपो ओ दोष लाग्यू होय का ते आखा आखे पापाआ वंश माय होय 10 जेहलो लेखिलो होय : “कोडूच धोर्मी नाहा, एक पोन नाहा” 11 कोडू समझदार नाहा; कोडु परमेश्वराआ होदनारू नाहा 12 आखे भटकिल्यो होय , आखा आखे बिगरउपयोगी बोणीत गोये होय ; कोडूच सत्कर्मे कोअनारू नाहा 13 त्याआ गोलु उघडील्या कबर होय , तिये आपाआ जिभेने छळ कोल्योओ होय त्याआ ओठमेहे हापोअ विष होय 14 त्याआं सोब शापाने आना बागेजे पोअल्ये होय 15 त्याआं गुडू रक्त वाहाडीलो उतावळे उवे होय 16 त्याआ वाटेमे नाश आना त्रस होय 17 तिये शांतीचा मार्ग ओलखिलो नाहा 18 त्याआ डोआ आगाडी परमेश्वराआ बित नाहा 19 आमु ओलखे का नियमशास्त्र जे किबी कोल्यो होय , ते त्याहाज कोल्यो होय जे नियमशास्त्राआ आधीन होय यकोअता का हरएक सोब बंद कोल्यु जाथ आना आखे जग परमेश्वराआ शिक्षाआ योग्य ठेरती 20 काहाके का नियमशास्त्राआ कारनोकोईत कोडलो प्राणी त्याआ आगाडी धोर्मी ठराविलो नाहा, याकोअता का नियमशास्त्राआ त्यापोरत पापोओ ओळखत होय 21 पोन ओमे नियम शास्त्राआ अलग परमेश्वराआ ती धार्मिकता प्रगट उवी होय ज्याआ साक्ष पवित्र शास्त्र आना भविष्य वक्ता आपत्ले 22 अर्थात परमेश्वराआ ए धार्मिकता जे येशू ख्रिस्तापो कोअता तियाअ विश्वास कोनाराकोता होय काहाके का किबी भेद भाव नाहा 23 याकोअता का आखाज पाप कोल्यु होय आना परमेश्वराआ गौरवारहित होय , 24 पोन त्याआ तियाअ सुटकेद्वारे जो ख्रिस्त येशू माय होय नितीमुल्य धोर्मी ठेरव्यो जाथ 25 त्याहा परमेश्वराने त्याआ रक्ताआ कारनोवाही एक एहलो प्रांयचीत ठेरव्यो जो विश्वास कोलाकोता कार्यकारी होय का जे पाप पहीले कोल्यु गोये आना ज्यापो परमेश्वराने आपाआ सहनशीलतेच्या काहाके लक्ष आपिलू नाहा त्याआ विषयामे तो आपाआ धार्मिकता प्रगट कोअही 26 नहाते तियाअ वेले त्याआ धार्मिकता प्रगट होय का जीयेतीये ते खुद धोर्मी ठरेल आना जे येशूवर विश्वास मितनाराहा नीतिमान ठरविनारु रोहू 27 ताहा खत कोअला का रोल्या? त्याआ ताहा जागेज नाहा कोडला नियमशास्त्राआ कारनोवाही? नाहा, नहाते विश्वासाआ नियमशास्त्राआ कारनोवाही नाहा 28 याकोअता आमुहू आव परिणामापो पोत्यू होय मांहु नियमशास्त्राआ कामोवांही जुदोज , विश्वासाद्वारे नीतिमान ओलखिणारा 29 नाहाकोत पारमेश्वर केवळ यहुद्यांचाच होय ? नाहाकोत बिहरे जाती या नाहा? होय , बिहिरिजाती या पोन होय 30 काहाके एकुच परमेश्वर होय , जो नाहा सुंता कोअल्याहा, विश्वासा आना सुंता कोअल्याहा पण विश्वासाआ द्वारेच धोर्मी ठेरवीही 31 ताहा नाहाकोत आमुहू नियमशास्त्राआ विश्वासाआ त्यापोरत व्यर्थ ठरर्विलो? कदापि नाहा! नहाते नियम शास्त्राआ स्थिर कोअता.