मॅथि 23

ताहा यीशु गोर्दिह आना त्याआ चेलाहा कोयो 2 शास्त्री परुसी स्वतः मुसाहा गादिपो बोहित गोये होय 3 त्यापोत जे किबी ते तुम्हामे कोअही आना ते तुमु कोईओलो आना कोतुलो पण त्याहाहोचे काम कोईओलो नाहा काहाके ते कोतले पण कोईत नाहा 4 ते एक जास्तीज पाराहा ज्याहा वीसीलो कोठीण होय बांदीत त्याह माहाहा खानदापो मेकत्ले होय पोन तुमु त्याह आपाआ आगडी वाही होरकावुहू ने होद्त्ले . 5 ते आपाआ आखे काम मांह्हू देखाड्ल्याकोता कोअता आना ते आपाआ मंत्र प्रत्रे हानू कोअता आना आपाआ आंगडाआ झालर लांबी कोअता 6 आना खाअलाआ जागापो मान योग्य ठिकाण आना मंदिरोम रोतेहे 7 आना बाजारामे सन्मान मिलविलो आना माहोपोरोत गुरु कोईत लेअलो त्याहा प्रिय लागेहे 8 पण तुमु गुरुजी कोडु नाहा काहाके तुमाआ एकाच गुरु होय आना तुमु आखे पाही होय 9 धोरतीपो कोडाआ आपाआ आबहू कोहू नाहा काहाके तुमाआ एकुच आबहू होय तो होर्गाम होय 10 तुमु गुरुजी कोडु नाहा काहाके तुमाआ एकुच गुरु होय म्हणजे ख्रिस्त 11 पण जो तुमाआ आखाम वोडू होय तो तुमाआ पावर उवे 12 जो कोडु माह वोडू बोनिडीओ तो निसे कोल्योओ जाइअलो आना जो माह निसे कोअही तो वोडू कोल्योओ जाइअलो 13 ओ झुटो, शास्त्र्यांमें आना परुश्यांही तुमाआ धिकार होय काहाके तुमु माहाकोअता होर्ग्याआ राज्याआ दरवाजू बंद कोईत आपिलो तुमु स्वतः प्रवेश कोईत नाहा आना प्रवेश कोअनाराहा पण विसमे जाऊ आपित नाहा 14 ऐ शास्त्री आना परुषि ऐ ढोंगी तुमा धिक्कार होय काहाके तुमु विदवा को खात्जतले आना धोंगामेहे वोडी वोडी प्राथना कोअतले तुमुहू जाखो दौड़जोड़े 15 ओ खोटो शास्त्री आना परुश्यांही तुमाआ धिक्कार होय तुमु उनाआ माहुंहु लाविलोकोता आना धरतीपो फिरीवलो आना जेव्हा तो आविलो जात्लू तेहालाम आपल्याहून दुप्पट नरकाआ पोऱ्या बोणाडीत आपत्ले 16 ओ आन्द्ला वाट देखाड्णारा तुमाआ धिक्कार होय जे कोतले जर कोडु मंदिराआ शपत लेदि ताहा ते किबी नाहा पण जर मंदिराआ बेनाआ शपथ लेदि ताहा तो तिया कर्जदार ओतगोल्यु जानारू 17 ओ गांडाहोस आना अंधळ्यानो नाहाकोत महत्वाओ होय सोनो किंवा ते मंदिर जे सोन्याला पवित्र कोअत्लू? 18 फासाड़ी कोल्यो जर कोडु विधीची शपथ लेही ताहा ते किबी नाहा पण जे यापो चढविले भेट ची शपथ लेही ताहा तो कर्जदार ओतगोल्यु जानारू 19 ओ आढलाअ नाहाकोत महत्वाओ होय भेट किंवा ती वेधी जी मिलुहूं पवित्र कोअत्लू? 20 त्यापोत जो शपथ खाहोव तो ती विधी आना तीपो सोड्विल्यी शपथ बेनुपोरोत शपथ खाहोव 21 जो मंदिराआ शपथ खाहोव तो तियाअ मंदिरोम रोणाआरा परमेश्वराआ पण शपथ खाहोव 22 आना जो स्वर्गाची शपथ खाहोव तो परमेश्वराआ सिहांसनाची आना त्याआपो बोहोल्यो बेनजोआआ शपथ खाहोव 23 ओ खोटो शास्त्री आना परुसी तुमाआ धिक्कार होय तुमु पक्षना वोराली आना जिरे या दहावू भाग आपत्ले पण नियम शास्रामे महत्वाची गोठी म्हणजे न्याय, दया आना विश्वासाआ तुमु उल्लघन कोअता पण जोवे ओते का याआ गोठी सोद्विलावेले बिहीरा गोठी पण सोदुहू नाहा कोल्यू 24 ओ आन्द्ला, वाट देखाडनारा, तुमु मोगाहा माईत टाकतले पण उंटाडाहा गीतीते टाकतले 25 ओ खोटो, शास्त्री आना परुसी तुमाआ धिकार होय तुमु ताठ आना वाटीतआव्यु बारथेरोत साफ कोअता पण मायरोत ते आखे एह्लाम लुतेवांहि असयामांनी पोअल्ये होय 26 ओ आन्द्ला परुसी पालील्यो ताठ आना वाटीतआव्यु मायरोत गाह ज्यायाकोलो ते बारथेरोत पण हाजो ओतगोल्यु जानारू 27 ओ खोटो शास्त्री आना मांहुहू तुमाआ धिक्कार होय तुमु सुनो लागल्ल्यो कब्रेहोस जे बारथेरोत हाजी देखात्ले पण विसमे मोलेतीयाहा आदोवांही आना आखे एह्लाम गांधगीने पोअल्ये होय , 28 त्यप्रमाणे तुमु पण मांह्हू धोर्मी देखात्ले पण विसमे खोटो आना अधर्माआ पोअल्ये होय 29 ओ खोटो शास्त्री आना माहाआ तुमाआ धिक्कार होय संदेश्ताआ कबरे उपो बोनड्त्ले आना धर्मिकेच्या ओरकोईला थडगे होवाड्त्ले 30 आना कोत्ले जर आमुहू आपाआ पूर्वजाआ टाईमोम रोल्या ओते ताहा संदेष्टाआ खुनाहा साक्षीदार रोल्या कायनाओतो 31 यापोरोत तुमु स्वतः विरूध साक्षी आपत्ले का संदेष्टाआ घात कोईतुल्योज पोऱ्ये होय 32 कोईत तुमु आपाआ पूर्वजाआ पापाहा कर्ज पोईत दया 33 ओ हापाहा पिलाआ, तुमु नरकाआ हिकाडल्याम केहलो वाचीलोअ? 34 त्यापोत पाला आय तुम्हाकोअता संदेष्टाहा ज्ञानवानाआ आना शास्त्रांआ मोकलित रोयोजे होय तुमु त्यामेरोत कोताज घात कोअनारू आना कोअताजो क्रूस चढविणारो फासाड़ी कोअताजो आपाआ मंदिरोम का देही आना शहरा गावामेहे सोनावाही कोईत फिरीही? 35 का जेव्हा धर्मिकाआ रक्त धोरतीपो वोहाड्यू होय तो तुमाआ मुंडकापो पोडे म्हणजे धोर्मी हाबेलापोरोत बर्खेए पोऱ्या जखाऱ्या पर्यंत ज्याहा तुमु आना मंदिरोम आना वेदीहीजा माईत टाक्यो ओते 36 आय तुम्हामे खोरोज कोतलू आव आखे गोठी आव पिढीई मुंडकापो पोडी 37 ओ यरुशलेमाआ, ओ यरुशलेमाआ, तू संदेष्टाहा माईत टाकतोलो आना जो ताकोअता मोकलीलामेहे आवयू होय त्याआपो डोणो जुगारीलो कोअता आय केते टायमोआ इच्छा कोअयी का जीही कोंडी आपाआ पिलांहा एकठे कोअते तेहलूज आय पण ताआ पोऱ्याहा एकठे कोहू पण ताआ इच्छा नाहाओती 38 पाला , तांआ को ताकोअता उजाड सोडये जाहो 39 काहाके आय तुम्हामे कोतलू का ओमोरोत तुमु माहु तोपोरोत पालीलो नाहा जोपोरोत तुमु ओ कोअही नाहा, “धन्य होय तो जो प्रभूउ नावामेहे आवीत होय. ”