मॅथि 24

जाहा यीशु मोंदिरोमेहे रोत निहित जातु ओतु ते त्याआ चेले त्याहा मोंदिराआ रोचना देखा डूहु कोअता त्याआ होय आवे 2 तिये त्याहा कोल्यो ,'' तुमु ओ आखे पालीत होय ने ! आय तुम्हामे खोरो कोतलू, ईहि दोणोपो डोणो सुधा उरिलो नाहा तो गाधल्या जानारू नाहा" 3 जेव्हा तो जैतुनाआ डोगोपो बोहू ओतु, तेहालाम शिष्य एखालाम त्याआ जागे आविलो गोग्या,'' आमुहू कोअलो का याआ गोठी कोंयो उवे? ताआ आवीला आना जगोआ अंताचे कोठले चिन्ह होय ?" 4 येशूने त्याहा उत्तर आपिलू,'' सावध रो ! कोडु तुम्हामे न ठोगीत गोयो, 5 काहाके जाअखो एहलो होय जो माआ नावामेहे आवीत कोअही,'' आय ख्रिस्त होय आना भरपुराना ठोग्यो 6 तुमु युद्ध आना युद्धाची चर्चा उनाय, ताहा घाबरील्यो जाहू नाहा काहाके याहा उवे होयुच, परंतु तियाअ वेले आखिर उवे नाहा 7 काहाके जाती उपो जाती आना राज्य उपो राज्य उठी, आना जागू जाग्तली दुष्काळ पोडी, आना भूकंप उवे 8 ए आखे गोठी पिठीनचा आरंभ उवे 9 ताहा तुम्हामे त्रस आपिलाकोअता तुम्हामे तोईत आपे, आना तुम्हामे माईत टाकही, आना माआ नावोओ काहाके लेतजा आखे जाती त्याआ माहे तुमाआ द्वेष कोआ 10 ताहा जाअखो जोओ ठोकर खाय, आना एक दिहीराहा तोईत आपे, आना एक बिहीराहा द्वेष कोआ 11 जाअखो खोटो भविष्य वक्ता उठित उभे रोय आना ठोगीते 12 अधर्म वाढल्या मुळे जाअखो जणोपो प्रीती हेलाड्यो 13 परंतु जो आखिर पर्यंत धीर तोईत मेकीही तिया उद्धार उवे 14 आना राज्याआ ओ सुसमाचार आख्खा जगात प्रसार कोल्योओ जाय का आखे जातियाकोईता गवायी उवे तेहालाम आखिर आवे 15 याकोअता जेव्हा तुमु तियाअ उजडिलो तुवाडाम वस्तूअ त्याआ चर्चा दानीएल भविष्यवक्ता च्या उवी ओती, पवित्र स्थानात उबु रोतगोल्यु पाला (जो वाचन कोअही तो होमजीत्ले), 16 तेहालाम जो यहुदियाम होय ते डोगोपो नाहीत जा 17 जे कोवलापो होय तो आपाआ कोअमेरोत एकहरको लेला उतरीणारु नाहा 18 आना जो खेतुम होय तो, आपाआ आगडे लेई मागित नाहा जानारू 19 तिया दिहोम जी गर्भवती आना दुध पिवड्णारी होय , त्याआ याकोअता हाय- हाय 20 प्राथर्ना कोईत रो काहाके तुम्हामे हियालामे पोन शब्बाथाआ तेदीही दौवंदेहे लोग नाहा 21 काहाके तिया समयी एहेलू पाअया त्रस उवे, जेहलो जुगाआ आरंभापासून पोयो नाहा 22 आना ते दीही कोम कोल्यु कायनाओतो ताहा कोडु प्राणी वचल्लू नसते पोन निवाडल्या च्या कारनोवाही ओ दीही कोम कोल्यु जाय 23 तिया वेले कोडु तुम्हामे कोअही,' पाला मसीहा इंही होय ! पेल्योओ'' तिंही होय ! ताहा विश्वास कोहू नाहा 24 काहाके मसीहा आना खोटो भविष्य वक्ता उठित उभे रोय, वोडो चिंन्ह आना अद्भुत कृत्य देखाडीते उवे ताहा निवाडीतमेकल्या पण ढगीत 25 पाला , आय पाल्या पोरोत ओ आखे किबी कोईत आपिलू होय 26 याआ याकोअता ते तुम्हामे कोय' पाला तो जगलूम होय ' ताहा बारथे निहित जायलो नाहा;' पाला तो मायत्या खोलीम होय ; ताहा देखू विस्वास कोअला नाहा 27 काहाके विग पूर्वे पोरोत पश्चीमे त्याही जीही सोमकीत ओते, तेह्लुज माअहा पोऱ्याआ पण आविला उवे 28 जीही प्रेत होय गिधाडे जमा होय 29 तियाअ दिहोम क्लेशा फासाड़ी दिह अंधाराहोस उवे, चंद्र प्रकाश आपी नाहा आना तारे जुगोमोरत पोडे, आना जुगोमेरयो शक्ती डगमगली जाय 30 तेहालाम माहाहा पोऱ्याआ चिन्ह जुगोम देखआईलो, आना तेहालाम धोरती उपो आखे जातीही माहे छाती ठीकीते; आना माअहा पोऱ्याहा वोडा सामर्थ्याआ आना वैभवाणे जुगोमेरयो ढगावरून आवातल्या पालिलो 31 ते कोनोओ महानादाबाआरी आपाआ दूतो मेकलीही, आना आकाशामें आव तीवोगरोत तियाअ टोका पर्यंत चारू दिश्या पोरोत त्याआ निवाडीतमेकल्या एकठे कोआ 32 अंजीराआ साडोपोरोत ओ उदाहरण हिकिलो: जेव्हा त्याआ लोग कोमल होतगोयो जाहो आना पाने गळू लागत्ले, तेहालाम तुमु होमजीत लत्ले का उनालू जागे आवयू होय 33 आव प्रमाणोओ जेव्हा तुमु आखे गोष्टी देखे ताहा होमजीत ल्या का तो जागे म्हणजे बाअणारी होय 34 आय तुम्हामे खोरो कोतलू का जो पर्यंत आव आखे गोठी पुरो उवनारा नाहा, तो पर्यंत आव पिढीही आखिर उवे नाहा 35 जुग आना धोरती टोलीते जाय पण माआ वचने केधीज टोलणार नाहा 36 तिया तेदीही आना तियाअ घटकाआ विषयामे कोडोबी मोलुम नाहा, न होर्ग्याआ दूतरा न पोऱ्याहा केवळ आबाहाहा 37 जेहलो नोहाचे दीही ओते , तेहलूज माहाहा पोऱ्याआ आविला उवे 38 काहाके जेहलो पाई प्रल्याआ पूर्वीच्या दिहोम, ज्या दिहे पर्यंत माहे खायलो पीत ओते , आना त्यांम वळाडे उवनारा ओते 39 आना जो पर्यंत पाई प्रलय आवीत तियाअ आखाहा वोहीत लेत नाहा गोल्यो तो पर्यंत त्याहा किबी मोलुम पोडये नाहा; तेहलूज माहाहा पोऱ्याआ आविला उवे 40 तियाअ टायमोमें बेन जोओ खेतुम होय , एक लेदो जाइअलो 41 बेन बोई कोअटीपोओ होय , एक लेदिओलो जाय आना बिहरि सोडीत आप्या जाय 42 याकोअता जागतू रो, काहाके तुम्हामे मोलुम नाहा, का तुमाआ प्रभू कोडला तेदीही आवेज 43 परंतु ओ जाईत ल्या का केधी को मालक्येहो मोलुम ओते का बाड कोडला टायमोमें आवेज ताहा को मालक जागू रोला ओतलू, आना आपाआ को फोडू आपिलू कायनाओतो 44 याकोअता तुमुभी तीयारिमे रो, काहाके ज्या वेले विषयामे तुमु फूस पण कोल्योओ नेओय, एहलो वेळेला माअहा पुत्र आवीत जाय 45 तियाअ वेले विश्वास योग्य आना बुद्धिमान दास कोडू होय , ज्याहा स्वामींनी आपाआ पावर चाकारापो नेमिलो का टायमोपो त्याहा रोटू आपे? 46 धन्य होय ते दास , ज्याहा आपाआ स्वामींनी ऐहलेच अतांवाही पालीलो 47 आय तुम्हामे खोरो कोतलू तो आपाआ धन उपो अधिकार आपे 48 परंतु तो खराब दास फूस कोअला लागे का माआ स्वामीला आविलो वेल होय 49 आना आपाआ होबतीई दासाहा मरेलो लागे आना झिंगलेल्या आरी खाहू पियलो लागे 50 पाच ताहा तियाअ पावरोओ स्वामी एहलो वेले आवेज त्याहा मोलुम नाहा 51 पाच तेहालाम तो त्याहा हाजा शिक्षाम आपे आना त्याहा कपटीया आरी मोजीलो कोअही तिंही रोडीलो आना दात खायलो होय.