मॅथि 21

जाहा ते येरुशालेमे ओ आहाने पोचे आना जैतून डोगाआ पोओ बैतफगे ऐ आहाने आवे ते यीशु बेन चेलाहा एहे कोईत मोकल्या 2 आना त्याहा कोल्यो आपाआ आगाडीइ गावून जा तीइही पोहचताच तुम्हामे एक गोदडीआरी एक गोदडापिलो बांधीतमेकल्ये जोडीत त्याहा सोडीत माआहने घेऊन आव 3 जर कोडु तुम्हामे कोडु किबी कोअही ताहा कोओलो प्रभूहु याआ गोरोज होय आना लागेज त्याहा तो मोकलित आपी 4 ओ यकोअता उवे का जे वचन संदेष्टा त्यापोरत कोल्यो ओते ते पुरो उवे ते एहलो का , 5 'सियोनाहा पोरीहा कोआ पाला ताआ राजा तापो आवीत होय तो नम्र होय आना तो गोदडीइ गोदडापिलापो नाहा पण रक्ताआ पोऱ्यापो बोहू होय 6 शिष्यांनी जेहलो येशूने त्याहा कोल्यो तेहलूज कोल्यु 7 तिये गोदडीइ पिलाहा म्हणजे गोदडापिलाः घेऊन आव्ये त्याआपो आपाआ आगडे आना प्रवासाहा निकलीलू 8 गर्दीमेहे केते माहुहु आपाआ आगडे वाटेपो पोस्राव्यी आना बिहराआ झाडापो लोगी तोडीत वातेम पोसराव्या 9 जी गोर्दी त्याआगाडी जात ओती आयडीत -आयडीत कोअला, 'होसान्ना, धन्य होय जो प्रभूउ नावामेहे आवत्लू आखाम उचो ठीकाणापो होसान्ना' 10 जेव्हा तिये यरुशलेमेत प्रवेश कोल्यु ताहा आखे शहरामे गोधळ फैलावीत गोयी आना आखे कोलाकोता लागाडीत ओ कोडू होय ? 11 आना गर्दीमेऱ्ये मांहे कोल्यो ओते ओ गालीलामे नसरेथ चा संदेष्टा येशु होय 12 येशूने मंदिरोम प्रवेश कोईत तियाअ आखाहा जे मंदिरोम लेनदेन कोईत ओते त्याहा बारथे काढीत आपिलू सराफाअ चौरंग आना पारवो वेचणारा टेबाल, पिंजरु पोटाळीत आपिलू 13 आना त्याहा तिये कोल्यो लेखिलो होय का, माआ को प्रार्थनाआ कोअ कोल्यो जाइअलो पण तुमु ताहा लुटणाराआ गुफा बोनाडी होय 14 तेहालाम आंधले आना लेगडे त्याजागे मंदिरोम आव्ये आना तिये त्याहा हाजो कोल्यु 15 पण मुख्य याजक आना शास्त्री इये तियाअ आश्चर्य कामोवांही जे तिये कोल्यु ओते तिये पाल्लये आना पोऱ्याहा ओ कोल्यो ओते दाविदाआ पोऱ्याहा मंदीर होसान्ना, तेबी ते क्रोधीत ओतगोल्यु गोये 16 आना तिये त्याहा कोल्यो नाहाकोत तू उनाईत होय काहा का ओ नाहाकोत कोल्यो होय येशूने त्याहा कोल्यो ओ पण नाहाकोत तुमु ओ वाचले नाहा काहा? हानू पोऱ्यो आना पोऱ्यापोरोत तू स्तुती पुरो कोअयी होय 17 तेहालाम तो त्याहा सदोन शहराआ बारथे बेथानिस निहित गोल्यो आना तिहीज रोला 18 फासाड़ी उनाआ टायमोमें तो फासी शहरामे आविलावेले भूक लागीई, 19 तेहालाम तो उनाआ अंजिराआ सोडोहो पालहु त्याजागे गोल्यो पण त्याआपो पानोहो सोडीत किबी जोडल्यो नाहा तेहालाम त्याहा कोल्यो , ओमोरोत तांआम खोरोज फोल लोग नाहा अंजिराआ साड त्याआ टायमोमें उगाईत गोये 20 ओ चेले पालीत चक्कित ओतगोल्यु कोहू लागाडीत अंजिराआ साड केहलो उगाईत गोये ? 21 येशूने कोल्यो आय तुम्हामे खोरोज कोतलू जर तुमु विश्वास मेकही आना शंका कोअनारू नाहा ताहा तुमु एवडोज कोअनारू नाहा जे साडांआरी कोल्यु नाहा पण आव डोगोहो पण कोअही तू उपटीत जा आना समुद्रामेहे जात गुगदेए ताहा ते ओतगोल्यु जानारू 22 आना जे किबी तुमु प्रार्थनाम विश्वासा मागोईला ते तुम्हामे जोडीत 23 जेव्हा तो मंदिरोम आविलो हिकाडतो ओतु तेहालाम मुख्य याजक आना आंबहाही इये आविलो कोल्यो , तू कोडला अधिकाराआ ओ काम कोअतलो आना कोडु ओ अधिकार आप्यू होय 24 परमेश्वराने उत्तर आपिलू आय पण तुम्हामे एक गोठी फुसल्यू जर तुमु त्याआ उत्तर आपी ताहा आय पण तुम्हामे कोअही का आय कोडला अधिकाराआ ओ काम कोअत्लू 25 योहानाआ बाप्तिस्मे कोडापरोत ओते होरगापोरोत किंवा माहोपोरोत? आना ते ओ कोत आपसामेहे चर्चा कोहू लागाडीत , 'जर आपु कोहू का होरगापोरोत ताहा तो कोअही ताहा तुमु तिया विश्वास काहा कोल्योओ नाहा? 26 पण जर आमुहू कोहू का माहोपोरोत ताहा आमुहू गर्दीई बित होय काहाके ते आखे योहानाआ संदेष्टा कोतेहे' 27 तेहालाम तिये येशुहू उत्तर आपिलू आमुहू मोलुम नाहा तेहालाम तिये त्याहा उत्तर आपिलू ताहा आय पण तुम्हामे कोअही नाहा का आय कोडला अधिकाराआ ओ काम कोअत्लू 28 पण तुमु नाहाकोत फूस कोईत होय ? कोडु उनाआ मांहाआ बेन पोऱ्ये ओते आना तिये पेलापहाय जात कोल्यो पोऱ्या, जा आज द्राक्षवाडीम काम को 29 आना तिये त्याहा उत्तर आपिलू ठीक होय आय जानारू पण तो गोल्यो नाहा 30 फासाड़ी आबहे बिहीराआरी जात तेहलूज कोल्यु, पण तिये उत्तर आपिलू आय जानारू नाहा तेबी पण नंतर पश्चताप कोईत नंतर तो गोल्यो 31 आव बेनुरोत कोडु आपाआ आबाहा इच्छा पुरो कोअयी? तिये कोल्यो बिहरा येशूने त्याहा कोल्यो तुम्हामे खोरोज कोतलू का तुमाआ पेल्ल्लु जकातदार आना वेश्या परमेश्वराआ राज्याम प्रवेश कोअनारू 32 काहाके योहान तुमापोओ धार्मिकाआ वाट देखाड्ल्याकोता आवयू पण तुमु त्याआपो विश्वास कोल्योओ नाहा पण जकातदार आना वैशावाही त्याआपो विश्वास कोल्योओ ओ पालीत सुद्धा तुम्हामे पश्चताप आवयू नाहा का त्याआपो विश्वास कोल्योओ ओतलू 33 एक उदाहरण फासी उनाआ , एक मालिक ओतु, जीआ द्राक्षमोलु लागाड्यू आना वाडा कोल्यु आना त्याआ द्राक्षरसासाकोता कुंड खुये आना तिये मजुरा तीइही मेकीत प्रवासाम निहित गोल्यो 34 जाहा फडआ वेल आवयी तेहालाम तिये आपाआ पावारोहो तियाअ मोजऱ्याआ जागे मोक्ल्यीत उत्पन्न लेविलेओता 35 पोन तिया मजुराहा पावारोहो तोईत माअये , दिहीराहा माईत टाक्ये आना तिसराहा डोन्योमार कोअयी 36 फासी तिये आपाआ पावरोओ एक टोळी मोकलिली जो पेलापोरोत जाखो वोडू ओतु आना तिये त्याआरी पण तेहलूज कोल्यु 37 पण आखरी तिये आपाआ पोऱ्याहा आव आशेने मोक्ल्यीत ओ माआ पोऱ्याहा सन्मान कोअनारू 38 पोन मजुराहा जेव्हा पोऱ्याहा पाल्लये तेहालाम कोडु लागाडीत ओ ताहा वारीस होय साला आपु याहा माईत टाकुहू आना त्याआ वारीसपणा मागित लेऊ 39 आखरी तिये त्याहा तोअल्यो आना द्राक्षवाटीई बारथे काढीत माईत टाक्ये 40 कोईत जेव्हा द्राक्षवाटीकाआ मालिक आविलो ताहा त्याआरी नाहाकोत कोअनारू ? 41 तिये त्याहा कोल्यो तो तियाअ दुष्टाआ वाईट आखिर कोअनारू आना द्राक्षवाटिका बिहरामोज्र्यांहा आपित टाकही जे योग्य टायमोमें त्याहा उत्पन्न आपी 42 येशूने त्याहा कोल्यो नाहाकोत तुमु पवित्रशास्त्रात खोरोज वाचले नाहा काहा ज्या डोणुहु राजमिसऱ्यांनी नाहाकोयो तोज कोडाआ (महत्वाचा) डोणो बोल्यू तोच प्रभूपोरोत उवे होय , आना आम्हा नजरोम आश्चर्यकारक होय ? 43 त्यापोत आय तुम्हामे कोतलू का परमेश्वराआ राज्य तुमापोरोत लेधलो जाइअलो, आना एहलो जातीही जो त्याआ फोल लेतआविही आपिला आवे 44 जो कोडु आव दोणोपो पोअनारू तो तुकडे -तुकडे ओतगोल्यु जानारू पण ज्यापो ओ डोणो पोअनारू त्याहा चूर बोणाडीत आपी 45 जेव्हा मुख्य याजक आना परुश्यांहि त्याआ ओ उदाहरण उनाअयो , तेहालाम होमजीत गोये का , तू आमाबोद्द्ल कोल्यो होय 46 आना जेव्हा तिये त्याहा तोओलाकोता पाल्लये पण ते गोर्दी पालहु बितगोये , काहाके त्याहा मांहे संदेष्टा मानीत ओते.