मॅथि 20

होर्ग़ाआ राज एखु कोओमालक्याआ होस होय जो वेगरूऊ निकल्यु का आपाआ द्राक्षाआ मोलामेहे मोजर्या हा लागाड नारू 2 आना तिये कामकोणारा रोज पोशाआ ठेरवीत त्याहा आपाआ द्राक्ष मोलाम मोकल्ये 3 फासाड़ी ते तिसऱ्या तासा सुमारास बारथे गोल्यो आना तिये बाजारोम केताहा खाली उभे रोहीत्ले पहीले 4 तो त्याहा कोल्यो , तुमुबीही दक्षामोलम जा, जे योग्य ते आय तुम्हाहा आपही; आना ते गोये 5 फासी सहावू आना नवव्या तासा सुमारास तिये बारथे जात तेहलूज कोल्यु 6 फासाड़ी अकरावे तासा सुमारास तो बारथे गोल्यो तेहालाम फासी केतेहे उभे रोहीत्ले त्याहा आड्ल्योत्याहा तिये कोल्यो, तुमु सारा दीही इंही खाली काहा उभे रोला होय ? 7 ते त्याहा कोल्यो आमुहू कोडु कामापो लेधलो नाहा कोईत तिये त्याहा कोल्यो तुमुबीही दक्षामोलम जा 8 फासाड़ी हांजेपो उवेताहा द्राक्षमोलाआ मालक आपाआ कारभाऱ्याआ कोल्यो , कामकोनार्राः गोगीलो आना पासोल्यापोरोत आरंभ कोईत पाल्या पर्यंत त्याहा मोजरी आप 9 तेहालाम ते अकरावे तासा सुमारास लागाड्ये ओते ते आवेताहा त्याहा पोशाआ मिल्यू 10 फासाड़ी जे पहीले आव्ये त्याहा आपाहा जाखा जोडयेहे एहलो त्याहा वाटेम तेबी तियाअहाई पोशाआ रुपयाआ मिल्यू 11 तो तिये लेदलापो घरधन्याविरुद्ध कुरकुर कोईत कोल्यो, 12 याआ आखरीवालाही एकुच तास काम कोल्यु, आमुहू दिहीपोईत उन्हातान्हात मेहनत कोल्यु आना आमुहू आना त्याहा आपु सारखो लेखिलो 13 तेहालाम तिये त्यामें एकाहा उत्तर आपिलू, गाड्या, आय ताआ अन्याय कोईत नाहा; तू माआरी रुप्याआ ठेराव कोल्योओ का नाहा? 14 तू आपाआ पोशाआ घेऊन चालुलाकोअता लाग ; जेहलो ताहु तेहलूज याआ आखरिवालाहाभी आपिलो एह्ली माआ इच्छा होय ; 15 जे माआ होय त्याआ आय आपाआ मर्जीवाही कोईलाकाजे मुखत्यार नाहा नाहाकोत? अथवा आय उदार होय ओ ताआ डोआम सतले नाहाकोत? 16 ह्याप्रमाणे शेवटयो ते पहीले आना पहीले ते शेवटयो होय 17 येशू उपो यरुशलेमेहोस जाला बेतुम ओतलू तिये बारा शिष्यांआ वाटेहे एकीकडे लेतजात कोल्यो, 18 पाला, आपु उपो येरुशलेमेस जात आहो आना माहाहा पोऱ्याहा मुख्य याजाकांच्या आना शास्त्री याहा आथे तोईत आपिला आवे ; ते त्याहा मोहिदंड ठेरवे, 19 आना थट्टा कोईलाकाजे , फटके माईलाकाजे आना वधस्तभावर खिलीलाकाजे त्याहा पराष्ट्रीयांआ होपित कोआ ; आना तिसऱ्या तेदीही तो फासी उठाडीते जाइअलो 20 तेहालाम जब्दीच्या पोऱ्याआ आयही आपाआ पोऱ्याहा त्याआ त्याही आविलो त्याआ गुडू पोडीत त्याजागे किबी माग्ये 21 तिये तीही कोल्यो, ताहु नाहाकोत जोवे? ती त्याहा तेकोहे , तुमाआ राज्याम माआ याआ बेनु पोऱ्यामरोत एकाने तुमाआ हाजावोगे आना एकाने डावासाईटोहो बोहजी एह्ली आज्ञा को 22 येशू कोल्यो , तुमु नाहाकोत मागतेहे ओ तुम्हाहा होमाजाडीत नाहा; जो पिदो आय पीही होय तो तुम्हामे आबहु आवे नाहाकोत? ते त्याहा कोल्यो आबहु आवे 23 तिये त्याहा कोल्यो माआ पिदो तुमु पिणारे खोरो , पण माआ हाजावोगे आना माआ डावासाईटोहो बोहीलाआ अधिकार आण्यो मांही नाहा, जर ज्याआ याकोअता माआ आबहाही ओ सिद्ध कोल्योओ त्याकोआता तो होय 24 ए गोठी उनाईत दहा शिष्यांआ तियाअ बेनु पाही खोत आवयू 25 पण येशूने त्याहा गोगीत कोल्यो, परराष्ट्रीयापो त्याआ अधिपती प्रभुत्व चालाडहे आना वोडो माहाआ अधिकार कोत्ले, ओ तुम्हाहा मालूमे होय 26 तेहलूज तुमाहामे नाहा; ताहा जो कोडु तुमाहामे श्रेष्ठ ओवुहू पालत्लू तो तुमाआ पावर उवे 27 आना जो कोडु तुमाहामे पेल्ल्लु ओवुहू पालत्लू तो तुमाआ दास उवे 28 ह्याप्रमाणे माहाआ पुत्र सेवा कोईत लेअलाकाजे नाहा, ताहा सेवा कोईलाकाजे आना जाह्खाजो 29 फासाड़ी ते यारीहमरोत जात ओयताहा वोडू लोकसमुदाय तियापासाडीरोत जातलू 30 तेहालाम, पाला वाटेपो बोहितरोलो बेन आंधले येशू जागेरोत जात होय ओ उनाईत आयडीत कोल्यो , ओ प्रभू, दाविदाआ पुत्रा, आमूह दया को 31 तिये उगे रोअलो कोईत माहु त्यांहा धमकाव्यो; तेबी ते जाहाकोज आयडीत कोल्यो ; प्रभू, दविदाआ पुत्र आमूह दया को 32 येशूने उभे रोत , त्याहा गोगीत कोल्यो, आय तुमाकोता नाहाकोत कोहू ? तुमाआ नाहाकोत इच्छा होय ? 33 ते त्याहा कोल्यो , प्रभुजी, आमुहू डोआं उगाडे 34 येशुहू त्यापोओ किरवाय आवी तिये त्याआ डोआहा स्पर्श कोल्योओ; ताहा त्याहा तत्काळ देखाहू लाग्यो आना ते त्याआ फासाडी सालुहू लागे.