मॅथि 18

ती वेले चेले यीशु उ आहाने आवित फुसुहू लागे होर्गा राजोमेहे वोडू कोडू होय 2 तेहालाम तिये उनाआ पोऱ्याहा आप आरी हादाडये, आना माय उभे कोईत कोल्यो , 3 आय तुम्हामे खोरोज कोतलू का जो पर्यंत फासाडी फिरीही नाहा आना पोऱ्याहोस बोनणारू नाहा तुमु होर्ग्याआ राज्याम खोरोज प्रवेश कोअनारू नाहा 4 जो कोडु माह आव पोऱ्याहोस नम्र बोनेहे तोज होर्ग्याआ राज्याम आखारोत वोडू होय 5 आना जो कोडु माआ नावामेहे एहलो उनाआ पोऱ्याहा तेईतले कोअत्लू, तो माहु तेईतले कोअत्लू 6 पण जो कोडु आव हानामेहरोअत हानू ला जे मापो विश्वास मेकात्ले एकाहा पण ठोकायू पोताळिहि ताहा ओ हाजो होय का त्याआ गोलाम वोडो कोअराआ तेलो बादिते त्याहा समुद्राआ उंडो बुडालीत आपिलू ओते 7 अडखळविल्यामुळे जगाला धिक्कार होय अडखळण ताहा आवेहेज पण तियाअ माहुहू धिक्कार रोतो ज्याआ त्यापोरत अडखळण आविलो 8 जर ताआ आथे किंवा गुडू ठोकायू पोताळिहि ताहा त्याहा तोडीत टाकी आप , काहाके ताकोअता लेगडे बोणीत जीवनामे प्रवेश कोअला यापोरोत हाजो होय का तू बेन आथे किंवा बेन गुडू घेऊन अनंत आगीम टाक्यू जाइअलो 9 जर ताआ डोउ ताहु ठोकायू पोताळिहि ताहा त्याहा काढीत टाकी आप , काहाके ताकोअता आदोलो बोणीत जीवनामे प्रवेश कोअला यापोरोत हाजो होय का तांआ बेन डोआं ओमेत ए तू नरकाआ जानारू 10 पाला , तुमु आव आयतुमे कोडोबी तुच्छ माणू नाहा काहाके आय तुम्हामे कोतलू का स्वर्गाआ त्याआं दूत माआ स्वर्गाआ बाहाआ सोब कायम पालीत रोत्ले 11 काहाके माहाआ पुत्र टाकाल्याहा वासाडूहु आवल्यु होय . 12 तुम्हामे नाहाकोत लागेहे? कोडू उनाआ माहाआरी होव मेंढे ऐहेली, आना त्यामेरोत एखादे भटकिल्यो, ताहा तियाअ नव्याण्णव ला जंगलूम सोडीत तियाअ टाकाईतगोल्याहा होद कोईलाकाजे तो जानारू नाहा नाहाकोत? 13 आना जर एहलो उवे का ती त्याहा जोडीत जानारू ताहा आय तुम्हामे खोरीज कोतलू का तो त्यांकोअता तियाअ नव्याण्णवपेक्षा जे टाकतग्येल्यू नाहाआत्लू, त्यापेक्षा जाखा आनंद कोअत्लू 14 तेहलूज तुमाआ आबहू जो होर्गाम होय एह्ली इच्छा नाहा का आव हाणाम एकाआ पण नाश उवे 15 जर ताआ पाही किबी पाप कोईत होय ताहा जात त्याहा एखालुज होमाजळ जर तो तांआ उनाय ताहा तू त्याहा मिलवीत लेधलो होय 16 पण जर ताआ तो उनाआनारू नाहा ताहा आपाआरी एक किंवा बेन मांहे फासी लेत जा यकोअता का बेन किंवा तीन मांहुंहु सोबिमरोत शब्दावाही ते निच्शीत कोल्यु जाइअलो 17 जर तो त्याआ पण उनाआनारू नाहा ताहा मंडली माहाहू कोअलो जर तो त्याआ पण उनाआनारू नाहा ताहा तो ताहु बिहरे जाती आना जकातदार तारखू ओते 18 आय ताहु कोतलू का जे किबी तुमु धोरतीपो बानदेहे ते होर्गाम बानदल्यो जाइअलो आना जे किबी तू धोरतीपो उडाडींही ते होर्गाम उगाड्नारो 19 आय तुम्हामे फासी कोतलू जर जो तुम्हामे बेन जोओ धोरतीपो एगदा मांगणीकोता एक मोन होय ताहा ते माआ होर्गाआ आबापोरोत त्याकोअता आपिलू जानारू 20 काहाके इंही बेन किंवा तीन माआ नावामेहे एकठे ओये तिंही आय त्यांमे होय 21 तेहालाम पेत्राई आविलो त्याहा कोल्यो प्रभू माआ पाही केतीवा माआ विरूध अपराध कोअनारू आना आय त्याहा क्षमा कोईत रोही नाहाकोत सात टायमोपोजा? 22 येशूने त्याहा कोल्यो आय ताहु ओ कोईतनाहा का सात टायमोआ इहीजा पण साताआ सोत्त्तर टायमोआ पर्यंत 23 त्यापोत होर्ग्याआ राज्याआ तुलना एगदा एहलो राज्याआरी कोअयी जाहो जीआ आपाआ नोकराहायरोत हिशोब लेअला ओतु 24 जेव्हा तो हिशोब लेऊ लाग्यू ताहा त्याआ आगाडी एक माहुहू घेऊन आवयू, ज्यापो मेंढा रुपयां कर्ज ओतु 25 पण जेव्हा त्याजागे कर्ज फेडीलाकाजे किबी नाहाआत्लू तेहालाम राजाआ आज्ञा कोअयी का त्याआ लाडी, पोऱ्ये आना जे किबी त्याजागे होय आखे वेसेत कर्ज सुकाडीत आपिलो 26 यापो पावरो गुडू पोडीत नमन कोल्यु आना कोल्यो मालक धीरज तो आय आखे किबी आपित आपी 27 तेहालाम नोकोराहा मालक्योहो त्याआपो दया कोईत त्याहा सोडीत आपिलू आना तिया कर्ज पण क्षमा कोईत आप्यू 28 पण तो पावर बारथे निघाल्यू आना त्याआ भेट त्याआ उनाआ आथे नोकराबरोबर उवी जो तिया होव रुप्याआ कर्जदार ओतु तिये त्याहा तोओईलो आना तिया गोलु दाबीन त्याहा कोल्यो माआ कर्ज फेड 29 योपो तिया हेगातीई पावर तिया गुडू पोडीत विनंती कोहू लाग्यू का धीर तो आय आखे कर्ज फेडीत आपी 30 तेबी पण तिये त्याआ उनाअयो नाहा तोपोरोत त्याहा जेलूम ठाणाम टाकीत आपिलू का तो कर्ज फेडीत आपी नाहा 31 ओ पालीत तिया हेगातीई पावर अतिशय दुखित पोयो आना तिये जात ए घटना आपाआ मालकोहू कोल्यी 32 तेहालाम तिया मालक्योहो हादीत कोल्यो , ओ खराब पावोरआ यकोअता का तू माहु विनंती कोअयी आय ताआ आखे कर्ज क्षमा कोईत आप्यू ओतु 33 बिहरे ज्यपोरोत आय तापो दया कोअयी त्यप्रमाणे त्याहेगात्यो नोकरापो दया कोअला नाहा नाहाकोत? 34 फासाड़ी त्याआ मालक्योहो त्याआपो रागावीत तो आखे आण्यो चकवेताहुजा त्याहा यातना आपणाराहा होफहोपिन आपिलू 35 कोईत जर तुमु हरएक जोओ आपु आपाआ पाहीही मोनामोरोत क्षमा कोअनारू नाहा ताहा माआ होर्गामेऱ्ये आबहू ए त्याआ प्रमाणोओ तुमाआ कोआ.