17
सोव दिहो फासाड़ी यीशु पतरसाहा आना त्याआ पाहि योहन्ना हा त्याआ आरी लेदो आना त्याहा एखलामेहे ऐखु ऊँचा दोगोपोओ लेत गोयु 2 तिंही त्याआ आगाडी तिया रुप बोद्लीत गोयो आना त्याआ सोब सूर्याहोस चमकील्यो आना त्याआ आंगडे पांडू सोमकुहु लागाड़ीत 3 आना मुसा आना एलिया त्याआ आरी गोठी अतांवाही त्याहा देखायो 4 तियाअ वेले पेत्र येशुहू कोल्यो ओ प्रभू आमुहू ईहि रोहिलो हाजो होय जर ताआ इच्छा होय ताहा आय इही तीन मंडप बनाविलो एक ताकोता एक मोशे याकोअता आना एक एलिया याकोअता 5 तो बोलताआ ओतु एक उजळलेल्या वादलावाही त्याहा आच्छादुन टाक्ये आना तियाअ वादलामरोत ओ शब्द आव्ये'' ओ माआ परम प्रिय पुत्र होय या आय प्रसन्न होय त्याआ उनाआ 6 शिष्य ओ उनाईत सोबाडीपो पोडये आना जाखो घाबरील्यो गोये 7 येशूने त्याहा जागे आविलो स्पर्श कोल्यु आना बोलतुल्यो बित नाहा 8 तेहालाम तिये आपाआ डोआं उगाडीत येशुहू सोडीत कोडोबी पालील्यो नाहा 9 जेव्हा ते दोगोपोरोत उतरीलो ओते तेहालाम येशूने त्याहा ए आज्ञा आप्यी जो पर्यंत माअहा पुत्र मोल्यामरोत उठाडीते जाईतांहुंजा जे तुमु पहीले ते कोडोबी कोहू नाहा 10 तियाअ उपो त्याआ शिष्यांनी त्याहा फ़ुस्ल्याआ का शास्त्री काहा कोतले का एलीयाचे पहीले आविला आवश्यक होय 11 तिये उत्तर आपिलू एलिया आवे आना आखोज हूदरेहे 12 परंतु आय तुम्हाहा कोतलू का, एलिया आविलो गोल्यो आना माहु त्याहा ओलखे नाहा परंतु जेहलो जोवे तेहलूज त्याआ आरी कोल्यु एहलो रीतीवाही माअहा पुत्र पण त्याआ आरी दु: ख सोसेल 13 तेहालाम शिष्यांआ होमज्ये का तिये आमापोरोत योहान बाप्तिस्मे आपनाऱ्या विषयी कोल्यो होय 14 जाहा ते गोर्दी आगाडी पोतले, ताहा एक मांहु त्यांही आवयू आना गुडघे टेक्यू कोहू लाग्यू 15 ओ प्रभू माआ पोऱ्यापो दया को काहाके फेकरे कोआ येत आना त्याहा जाखो त्रास ओतू आना फासी -फासी आगीम आना फासी- फासी पाअयोम पोडीत जात्लू 16 आना ते ताआ शिष्यापोरोत लाविले ओते पण ते त्याहा हाजो नाहा कोहू सेकेले 17 येशूने उत्तर आपिलू अहाहा ओ विश्वासनाहा आना कुटील पिढी आय काजा त्याआरी असू? काजा तुमाआ सोसू? त्याहा इंही माआरी लेतआव 18 ताहा येशूने अशुद्ध धमकावये, ताहा तो त्यामेरोत निहित गोये आना त्याआ घटकेरोत पोऱ्या हाजू पोयो 19 ताहा शिष्य एकलुज येशुआरी आविलो कोल्यो आमुहू ते काहा काढता आव्ये नाहा? 20 तो त्याहा कोल्यो तुमाआ कमीथोडा विश्वासामेरोत काहाके आय तुम्हामे खर कोतलू काहा जर तुमाआ माय रईई दन्येव्ध विश्वास एह्लू ताहा याआ डोगोहो ईहिरोत तीही हारके एहलो तुमु कोल्योज तो हरकले तुम्हामे किबी असाध्य उवे नाहा 21 पोन ऐ जात बिगर प्रार्थना आना उपासाआ ने नीह्त्ली होय . 22 ते गालीलामे ओ एकठे एकटा ओतुताहा येशू त्याहा कोल्यो माअहा पुत्र माहूक आथे तोईत आपी होय 23 ते त्याहा जीवे माये आना तिसऱ्या तेदीही तो उठ्वलो जाइअलो तेहालाम ते जाअखो खिन्न उवे 24 फासाड़ी ते कफर्णहुमांह आवेताहा मंदिर पट्टीइ पोशाआ वसूल कोअनारे पेत्राई आविलो कोल्यो तुमाआ गुरु मंदिराआ पट्टीइ पोशाआ आपित नाहा नाहाकोत? 25 तिये कोल्यो होय आपत्ले फासाड़ी पेत्र कोअमे आवेताहा तो गोगीला आगाडी येशू कोल्यो , शिमोन, ताहु नाहाकोत लागेहे? पृथ्वीपो राजे जकात किंवा पट्टी कोडापोरोत लत्ले? स्वतःआ पोऱ्यापोरोत का परक्यांपासून? 26 परक्यांपासून ऐ तिये कोल्योताहा येशू त्याहा कोल्यो ताहा पोऱ्ये मोकलो होय 27 तेबी आपु त्याहा अडथळा अनु कायना कोईत तू जात समुद्राम गळ टाक आना पल्ले उपो आवे तो मासू तोईत -तोईत त्याआ सोब उघड म्हणजे ताहु बेन रुपयाह नाणे जोडे ते घेऊन माबद्दल आना ताआ बद्दल त्याहा आप.