ฟีลิปปี
บทนำ
เปาโลเขียนจดหมายฉบับนี้ต๋อนตี้ติดคอกอยู่ตี้กรุงโรม ต้านติดคอกย้อนได้บอกข่าวดี ต้านเขียนจดหมายฉบับนี้ขึ้นประมาณปี๋ ค.ศ. 61
เปาโลเขียนจดหมายฉบับนี้ไปเถิงหมู่ผู้เจื้อตี้อยู่ในเมืองฟีลิปปี ตี้ต้านเกยได้บอกข่าวดีหื้อฟังก่อนหน้านั้น เมืองฟีลิปปีเป๋นเมืองสำคัญในแคว้นมาซิโดเนีย มาซิโดเนียอยู่ในทวีปยุโรป หลังจากผู้เจื้อจาวฟีลิปปีได้ยินว่าเปาโลติดคอก หมู่เขาก็หื้อเอปาโฟรดิทัสเอาของฝากไปหื้อ เปาโลเขียนจดหมายฉบับนี้เปื้อขอบคุณหมู่เขาสำหรับของฝาก กับเขียนหื้อก๋ำลังใจ๋หมู่เขาหื้อมีความมั่นคงในความเจื้อ
เปาโลสอนหื้อผู้เจื้อจาวฟีลิปปีถ่อมใจ๋เหมือนอย่างพระเยซู พระเยซูยอมตี้จะสละต๋ำแหน่งตี้สูงสุดในสวรรค์ลงมาอยู่ในโลกนี้ แล้วก็ต๋ายบนไม้ก๋างเขนเปื้อจ้วยหื้อกู้คนรอดป๊นบาปโต้ษ ต้านยังได้เขียนบอกหื้อผู้เจื้อจาวฟีลิปปีบ่หื้อเจื้อฟังกำสอนของหมู่ผู้เจื้อจาวยิวตี้สอนว่า ผู้เจื้อจ๋ำเป๋นต้องเยียะต๋ามบทบัญญัติของโมเสสกับต้องเข้าพิธีสุหนัตก่อนเถิงจะป๊นบาปโต้ษได้