Zwezi pùlù dipɛn ʋ pa lɩ̀à mʋ̀rʋ̀ banɩa nə
8
1 Kʋ máŋá tə wa,
lɩ̀à zənzən yà kʋ́ʋ̀ kun duən nə,
ba yà ga ba won mama jə,
sə ba də́.
Zwezi dàń bon ʋ karbɩa tə,
ʋ swɩ̀n ba con,
ʋ wʋ́:
2 «Lalʋʋ tə yinəgə jə nə,
nə ba nə wulə də nə dɩan batwa nətən,
yá ba ga ba won jə,
ba də́ tə yɩrɩ.
3 À nə pɩn ba vìí də niən,
ba dɩ̀àn wá zwɛ̀,
ba nan ba tʋ cwəŋə yuu,
ba wa lɩ̀à duən nə nan yɩŋʋna yɩrɩ.»
4 Ʋ karbɩa tə ma le wá,
ba wʋ́:
«Nə wàrɩ̀ ba dipɛn nə pɩn,
ba də́ ba swí,
bwálɩ́ kʋ tə wa,
won mama nə tə̀lə́.»
5 Zwezi ma bwe ba,
ʋ wʋ́:
«Dipɛn bagalɩ nə á jə>>» Ba ma le,
ba wʋ́:
«Dipɛn barpɛ.»
6 Ʋ dàń ma pa nii lalʋʋ tə nə,
sə ba jə̀ń tɩa.
Ʋ dàń ga tì dipɛn barpɛ tə,
ʋ kə Yɩɩ lɛ̀ɛ̀,
ʋ fʋ fʋ tə,
ʋ pa ʋ karbɩa tə nə,
ba ma tara lɩ̀à tə.
7 Ba yà tə jə fəlibii də.
Zwezi ken Yɩɩ lɛ̀ɛ̀ filə tə yɩrɩ,
ʋ ga swɩ̀n ʋ karbɩa tə con,
sə ba tara tə ba pa lɩ̀à tə nə.
8 Ba lìù mama dí ʋ sú.
Karbɩa tə ga pɛ̀ tə mumunə,
tə nə ga,
ba sú tìí barpɛ.
9 Yá ba yà ga yí lɩ̀à mʋ̀rʋ̀ banɩa.
Zwezi dàń pɩn ba vìí.
10 Kʋ kwa nə,
Zwezi də ʋ karbɩa tə zəzən ba zʋ nɩ́á yuu bori tə,
ba va Daləmanʋta nagwanaa wa.
Farɩzɩan-ba pɩ̀à, sə Zwezi bɩrɩ ba ʋ dɩ̀àn
11 *Farɩzɩan-ba tə twi,
ba wulə ba swɩ̀n də Zwezi.
Ba pɩ̀à,
sə ba ja ʋ də̀ń nə.
Ba lòrì wá,
sə ʋ tʋn yomɩlʋ don ʋ ma bɩrɩ ba də,
ʋ dɩ̀àn tə yɩ tə nan Yɩɩ con.
12 Zwezi sìí fʋʋn ʋ kə ʋ waa,
ʋ ga swɩ̀n,
ʋ wʋ́:
«Bɛ̀ɛ̀ nə pɩn zə̀n lɩ̀à ma pɩ̀à,
sə à fwa Yɩɩ dɩ̀àn mɩmɩnʋ à bɩrɩ ba>> Cɩ́gá mama,
à mʋ̀ nə swɩ̀n kʋ á con:
À bá fwa Yɩɩ dɩ̀àn mɩmɩnʋ mama à bɩrɩ ba.»
13 Zwezi dàń kɛ̀ń ʋ ga yá ba,
ʋ pìí ʋ zʋ nɩ́á yuu bori tə wa,
ʋ va mʋnaa tə vàn don nə.
Zwezi karbɩa tə wà lwarɩ won tə, ʋ nə yɩ
(Matiə 16.5-12)
14 Ʋ karbɩa tə yà swɛ̀ɛ́,
sə ba tì wodiu.
Ba yà jə dipɛn nədʋ cɩcɩ nɩ́á yuu bori tə wa.
15 Zwezi dàń ma swɩ̀n ba con,
ʋ wʋ́:
«Á zurə á yɩra,
á cɩa á tɩ̀àn nə zəni də *Farɩzɩan-ba sabwarɩ tə.
Á cɩa á tɩ̀àn nə də *Erodə sabwarɩ tə.»
16 Ʋ karbɩa tə ma swɩ̀n ba pwə́rə́ wa,
ba wʋ́:
«Kʋ yɩ nə nə ba dipɛn jə,
tə nə pɩn ʋ ma swɩ̀n nətʋ.»
17 Zwezi lwarʋ kʋ tə,
ba nə wʋ́,
ʋ dàń ma bwe ba,
ʋ wʋ́:
«Bɛ̀ɛ̀ nə pɩn á ma wʋ́:
“Kʋ yɩ nə nə ba dipɛn jə tə yɩrɩ nə>>” Á tə wà lwarʋ!
Á tə wà kʋ də̀ń nì!
Á pubʋŋa wà yí!
18 Á jə yɩ́á,
tə ba lá na!
Á jə zɩan tə ba nə̀ń!
Á tə wà lìí!
19 Máŋá tə wa,
à nə fʋa dipɛn bonu tə à pa bara mʋ̀rʋ̀ bonu tə nə,
á pɛ̀ tə mumunə á sú fɩyaran bagalɩ>>» Ʋ karbɩa tə le,
ba wʋ́:
«Fɩyaran fugə bələ.»
20 «Sə máŋá tə wa,
à nə fʋa dipɛn barpɛ tə à pa lɩ̀à mʋ̀rʋ̀ banɩa tə nə,
dipɛn mumunə tìí bagalɩ nə á tì>>» Ba le wá,
ba wʋ́:
«Tìí barpɛ.»
21 Zwezi dàń ma swɩ̀n ba con,
ʋ wʋ́:
«Yá á ga tə ba nə̀ń>>»
Zwezi súrú liliu don yɩ́á Bɛtəsayɩda nə
(Marəkə 10.46-53, Zwan 9.1-11)
22 Zwezi də ʋ karbɩa tə dàń vəli ba yí Bɛtəsayɩda tɩʋ.
Lantə nə,
lɩ̀à jɩn liliu don,
ba ja bà Zwezi con,
ba lòrì wá,
sə ʋ dwen ʋ yɩra,
sə ʋ súrí ʋ yɩ́á tə.
23 Zwezi jɩn liliu tə jɩɩn nə,
ʋ van wá ʋ ja nan tɩʋ tə kwa con.
Ʋ dàń ga lɩ mɩmɩan mancɩn ʋ kə bɛɛ tə yɩ́á yuu wa.
Ʋ tún ʋ jɩ̀àn ʋ yuu,
ʋ ga bwe wá,
ʋ wʋ́:
«N wàá won n nɩ>>»
24 Liliu tə súrí ʋ yɩ́á,
ʋ ga le,
ʋ wʋ́:
«À na ləzoni,
à na ba ndə tɩ̀án nə,
yá ba ga vəli.»
25 Zwezi kʋ́ʋ̀ tún ʋ jɩ̀àn bɛɛ tə yɩ́á yuu.
Liliu tə nə ywàń ʋ yáá mənəmənə,
ʋ yɩ́á tə dàń na wiən tə mama pwənə pwənə.
Ʋ nɩ yazurə.
26 Zwezi dàń ma swɩ̀n,
ʋ wʋ́:
«Vəli n sàń!
Dàn ká va tɩʋ tə wa!»
Piyɛrə swɩ̀n də, Zwezi nə yɩ Kərisə
27 Zwezi də ʋ karbɩa dàń ja ba yáá ba man Filipə Sezare tɩan tə con.
Ba nan cwəŋə yuu,
ʋ ma bwe ba,
ʋ wʋ́:
«Bɛ̀ɛ̀ nə lɩ̀à tə swɩ̀n à yuu wa>>»
28 Ba ma le wá,
ba wʋ́:
«Ba duən wʋ́,
n yɩ *Zwan-Batisə.
Ba duən wʋ́,
n yɩ Yɩɩ nii *sʋ̀sʋ̀nʋ̀ Eli.
Ba duən də wʋ́,
n yɩ Yɩɩ nii sʋ̀sʋ̀nà tə wa lìù don.»
29 Zwezi ma kʋ́ʋ̀ bwe ba,
ʋ wʋ́:
«Sə á mʋ̀ con nə>> Wàà nə á wʋ́,
à yɩ>>» Piyɛrə ma le,
ʋ wʋ́:
«N yɩ *Kərisə.»
30 Zwezi dàń ma dù súú ba nii nə,
sə ba dàn ká swɩ̀n kʋ lìù mama con.
Zwezi swɩ̀n ʋ tɩan də ʋ ka bwin ka nan yoo
31 Kʋ kwa nə,
Zwezi yà wulə ʋ kàrɩ̀ ʋ karbɩa tə,
ʋ wʋ́:
«*Ləzwənə-Biu*f1* mɛ,
sə ʋ də́ càn zənzən.
*Zwifə-ba *nəkwɩna,
də Yɩɩ *joŋwana yun tɩ̀án,
də Yɩɩ nii *yənu tɩ̀án wá vɩ wá ba dʋgʋ.
Ba wá gʋ wá,
kʋ nə yí dɩan batwa,
ʋ wá pìí ʋ bwin.»
32 Ʋ yàá maŋa kʋ,
ʋ bɩrɩ ba pwənə pwənə.
Piyɛrə dàń ma bon wá ʋ ja nan kwa con,
ʋ wulə ʋ caga ʋ nii nə.
33 Yá Zwezi dàń pìí ʋ vəvəri,
ʋ ywàń ʋ karbɩa tə duən tə,
ʋ ga caga Piyɛrə nii nə,
ʋ wʋ́:
«Ja pɩ̀à bwálɩ́,
*Sɩtana,
n nə yɩ n bʋŋa ndə ləzoni nə,
n ba bʋŋa ndə Yɩɩ nə tə yɩrɩ.»
Zwezi ka twá ŋwɩ́rán
34 Kʋ kwa nə,
Zwezi bon ʋ karbɩa tə də lɩ̀à tə,
ʋ kə duən nə,
ʋ swɩ̀n ba con,
ʋ wʋ́:
«Lìù tə mama nə pɩ̀à,
sə ʋ bà ʋ twá à nə,
kʋ tíú kʋ́ʋ̀ dàn ká fwa ʋ təntɩan puswənə.
Kʋ tíú mɛ,
sə ʋ sɛ̀ ʋ twá ʋ də́ càn də nə,
kʋ ja vələ ʋ tɩan dagarʋ tə yuu wa.
35 Kʋ yɩ cɩ́gá,
lìù tə,
ʋ nə pɩ̀à,
sə ʋ jon ʋ mɩɩ tə,
ʋ wá kwɩ̀n kʋ nə.
Yá lìù tə,
ʋ nə wá dʋgʋ ʋ mɩɩ tə à mʋ̀ yɩrɩ də Yɩɩ sʋywáŋʋ́ tə swɩʋn yɩrɩ,
kʋ tíú wá jon ʋ mɩɩ.
36 Kʋ funə wa yə̀n nə kʋ pa lìù nə,
də ʋ nə nɩ tɩa yuu jɩjə tə mama,
yá ʋ ga kwɩ̀n mɩɩ tə nə,
kʋ nə ba zwɛ̀ Yɩɩ con>>
37 Won wulə ləzwənə nə wá pa,
sə kʋ ma yə̀ ʋ mɩɩ tə kʋ jon,
naaa>>
38 Zə̀n ləzoni tə yáá tə̀lə́ də Yɩɩ,
ba ba Yɩɩ nii zìlí.
Yá lìù dàń nə dəri cavɩra,
sə ʋ bɩrɩ də,
ʋ ya à mʋ̀ nə tɩ,
ʋ ga dəri cavɩra,
sə ʋ swɩ̀n à sʋywáŋʋ́ tə,
*Ləzwənə-Biu*f1* tə bá sɛ̀ ʋ jon kʋ tíú,
máŋá tə,
ʋ nə wá pìí ʋ bà də *malɩkɛ ʋ nyɩna tə dun tə wa.»