Zwezi zwɩ Zwerizalɛmə
11
1 Zwezi də ʋ karbɩa tə vəli ba yí *Zwerizalɛmə.
Ba twá Bɛtəfazwe də Betani tɩan tə wa *oliviye tɩ̀án paan tə səpuni nə ba lɛ.
Zwezi ma tʋn ʋ karbɩa bələ.
Ʋ swɩ̀n ba con,
ʋ wʋ́:
2 «Á vələ tɩʋ tə nə wulə á yáá.
Á nə zəzən á yí,
á wá na bɩnabiə də ka vwə.
Lìù mama tə wà ka yuu jə̀ń.
Á kʋra ka á ja bà.
3 Yá lìù nə bwe aba,
ʋ wʋ́:
“Bɛ̀ɛ̀ nə pɩn,
á ma fwa kʋ>>”,
sə á swɩ̀n ʋ con:
“*Yuu-Tiu nə pɩ̀à ka.”
Á nə swɩ̀n nətʋ,
kʋ tíú tə wá yá ʋ pa á ja ka á bà yəbə sɩ́ʋ́n sɩ́ʋ́n.»
4 Ba nə vəli ba cɩ́gá nɩ bɩnabiə kàrá wa cwəŋə yuu,
də ka vwə dìə̀ don mimii nə.
Ba ma kʋrʋ ka.
5 Lɩ̀à tə duən yà nə wulə lá bwe ba,
ba wʋ́:
«Bɛ̀ɛ̀ nə á wulə á fwa>> Bɛ̀ yɩrɩ nə á ma kʋ̀rɩ̀ bɩnabiə ka tə>>»
6 Karbɩa tə ma le lɩ̀à tə nətʋ,
Zwezi yà nə swɩ̀n ba con.
Lɩ̀à tə ma yá ba,
ba vìí.
7 Ba jɩn bɩnabiə tə ba ja va,
ba pa Zwezi nə.
Ba tún ba gànàn bɩ̀nà tə yuu,
Zwezi dɩ̀ ʋ jə̀ə́.
8 Lɩ̀à zənzən làrɩ̀ ba gànàn cwəŋə tə wa.
Ba duən də làrɩ̀ tɩ̀án vʋran*f1*,
ba nə za ba kárɩ́ wa.
9 Lɩ̀à tə,
ba nə wulə Zwezi yáá ba vəli,
də ba tə,
ba nə wulə ʋ kwa,
cə̀rí ba kəni yɩɩ nə,
ba wʋ́:
«Ozana*f1* Yɩɩ *sàń nə!
Yɩɩ wá fwa zəni lìù tə yɩra,
ʋ nə bɩ̀àn Yuu-Tiu yɩrɩ yuu wa!
10 Yɩɩ wá fwa zəni pàrɩ̀ tə yuu wa,
kʋ nə bɩ̀àn!
Yɩɩ wá fwa zəni nə nɩbɛɛ pɩ̀ʋ́ *Davidə pàrɩ̀ tə yuu wa,
kʋ nə kʋ́ʋ̀ pìí kʋ bɩ̀àn!
Dun mɛ wa Yɩɩ sàń nə ʋ con.»
11 Kʋ kwa nə,
Zwezi zʋa Zwerizalɛmə wa,
ʋ va Yɩɩ *dìə̀ tə wa.
Ʋ nə ywàń wiən tə mɛ ʋ zwɛ̀,
tɩa tə yí tə.
Ʋ dàń nan ʋ də ʋ karbɩa fugə bələ tə va Betani.
Zwezi zɩrɩ ʋ kə kapɩrʋ don nə
12 Kʋ tɩa nə pʋrɩ,
Zwezi də ʋ karbɩa tə nə naŋa Betani máŋá tə wa,
niən jɩn Zwezi.
13 Ʋ nɩ kapɩrʋ don yɩŋʋna,
kʋ yà nə jə vʋran.
Ʋ vəli ʋ ywàń,
sə ʋ jə́n ʋ wá na bɩa kʋ yuu.
Máŋá tə,
ʋ nə yí tɩ̀ʋ́ tə yɩra,
vʋran cɩcɩ ya nə wulə,
kapɩra bɩʋ máŋá yà tə nə wà yí yɩrɩ.
14 Zwezi dàń ma swɩ̀n kapɩrʋ tə con,
ʋ wʋ́:
«N kʋ́ʋ̀ ba zɩn bɩa,
sə lìù də́!»
Ʋ karbɩa tə nì kʋ tə,
ʋ nə swɩ̀n.
Zwezi dɩŋɩ baywələ ʋ lɩ Yɩɩ dìə̀ tə wa
15 Kʋ kwa nə,
Zwezi də ʋ karbɩa tə yí *Zwerizalɛmə.
Zwezi zʋa *Zwifə-ba Yɩɩ *dìə̀ dəwoo tə wa,
ʋ ga dɩŋɩ lɩ̀à tə mama,
ba nə yoli,
də ba tə,
ba nə yə̀,
kʋ bwálɩ́ tə wa.
Ʋ dɩŋɩ lɩ̀à tə.
Ʋ yigu ba tə nə lárɩ́ səbɩa*f1* tabɩlan,
də ba tə,
ba nə yoli nasara gunponi*f1* tə gwələ ʋ dɩ tɩa.
16 Ʋ ga kʋ́ʋ̀ ba yá ʋ pɩn lìù mama zɩŋa won ʋ ja twá Yɩɩ dìə̀ tə wa ʋ lɛ.
17 Kʋ kwa nə,
Zwezi kàrɩ̀ ba,
ʋ wʋ́:
«Kʋ pʋ́pʋ́nɩ́ Yɩɩ sagɩ tə wa,
kʋ wʋ́:
“Ba wá bon à dìə̀ tə «lʋʋ dwíə́ tə mama yɩjʋnɩ dìə̀.»”
Yá á mʋ̀ janɩ ka á ma fwa ŋwɩna yisəgə bwálɩ́!»
18 Zwezi kàrà tə yà zʋa lɩ̀à tə zəni.
Máŋá tə,
Zwifə-ba Yɩɩ *joŋwana yun tɩ̀án,
də Yɩɩ nii *yənu tɩ̀án nə nì kʋ mʋ̀ təntə,
ʋ fən zʋa ba.
Ba dàń pɩ̀à nətʋ tə,
ba nə wá twá ba ma pa ba gʋ Zwezi.
19 Dədəni nə yí,
Zwezi də ʋ karbɩa tə nan Zwerizalɛmə wa.
Á kənə á waa Yɩɩ nə wuuu
20 Kʋ tɩa nə pʋrɩ,
jɩjʋ fuən fuən,
Zwezi də ʋ karbɩa tə nə twá cwəŋə tə,
ba nɩ kapɩrʋ tə,
də kʋ kʋa kʋ yí kʋ ŋʋnan.
21 Piyɛrə ma lìí kʋ tə,
kʋ nə fwa dɩan tə nə,
ʋ ma swɩ̀n Zwezi con,
ʋ wʋ́:
«Karnyɩna,
ywàń kapɩrʋ tə,
n nə zɩrɩ n kə kʋ nə tə kʋa.»
22 Zwezi ma swɩ̀n ʋ karbɩa tə con,
ʋ wʋ́:
«Cɩ́gá mama,
à swɩ̀n kʋ á con:
Á kənə á waa Yɩɩ nə!
23 Lìù wàá paan con ʋ swɩ̀n,
ʋ wʋ́:
“Zàn lá n va,
n tʋ mʋʋ wa.”
Də ʋ nə ba kʋ bɛ̀ɛ́ ʋ waa con,
də ʋ nə pɩn cɩ́gá də,
kʋ tə,
ʋ nə swɩ̀n tə mɛ,
sə kʋ tʋn,
kʋ cɩ́gá wá tʋn nətʋ.
24 Kʋ mʋ̀ yɩrɩ nə,
à ma swɩ̀n á con,
à wʋ́:
Á nə jʋn Yɩɩ á ga lòrì won ʋ con,
á kənə á waa də á nɩ kʋ won təntə.
Á ga wá na kʋ won tə.
25 Máŋá tə,
á nə wulə á jʋ̀nɩ̀ Yɩɩ,
á nə jə yoo də lìù,
sə á kwɛn kʋ,
á lɩ á mʋ̀ də kʋ tíú pwə́rə́ wa.
Á nə fwa kʋ nətʋ,
á nyɩna Yɩɩ tə,
ʋ nə wulə Yɩɩ *sàń nə,
də ʋ wá kwɛn á cʋna tə,
ʋ lɩ á mʋ̀ də ʋ mʋ̀ pwə́rə́ wa.
26 [Yá á dàń nə vɩga,
sə á kwɛn yoo,
á lɩ á mʋ̀ də lɩ̀à tə pwə́rə́ wa,
á nyɩna Yɩɩ tə də,
ʋ nə wulə Yɩɩ sàń nə,
wá vɩ,
sə ʋ kwɛn á də cʋna tə,
ʋ lɩ á mʋ̀ də ʋ mʋ̀ pwə́rə́ wa.»]
Zwezi dɩ̀àn tə naŋa yə̀n>>
27 Zwezi də ʋ karbɩa tə kʋ́ʋ̀ pìí ba va *Zwerizalɛmə.
Zwezi nə wulə *Zwifə-ba Yɩɩ *dìə̀ tə wa ʋ vəli,
máŋá tə nə,
Yɩɩ *joŋwana yun tɩ̀án,
də Yɩɩ nii *yənu tɩ̀án,
də Zwifə-ba *nəkwɩna vəli ba yí wá.
28 Ba bwe wá,
ba wʋ́:
«Dɩ̀àn taa nə,
n ma fwa yìə̀n tə tə>> Wàà nə pɩn mʋ́ cwəŋə,
sə n fwa tə>>»
29 Zwezi ma le ba,
ʋ wʋ́:
«À wá bwe aba yoo nədʋ.
Á nə wànɩ́ á le nə,
à də dàń wá le aba.
À wá man won tə nə pɩn,
à ma fwa yìə̀n təntə.
30 Wàà nə ken dɩ̀àn Zwan jɩɩn wa,
sə ʋ lə lɩ̀à nɩ́á wa,
kʋ twá də Yɩɩ yɩrɩ tə>> Kʋ yɩ Yɩɩ,
nə à yə̀ə́ ləzoni>> Á nə wàá,
sə á le nə!»
31 Kʋ pɩn,
ba dàń wulə ba tʋ́tʋ̀nɩ́ duən,
ba ga swɩ̀n duən con,
ba wʋ́:
«Nə nə le,
nə wʋ́:
“Kʋ ya Yɩɩ nə ken dɩ̀àn Zwan jɩɩn wa”,
ʋ wá bwe nəba,
ʋ wʋ́:
“Bɛ̀ɛ̀ dàń nə pɩn,
á ma wà cɩ́gá ʋ sʋgʋ tə nə pɩn>>”
32 Yá nə ma wàrɩ̀ nə le də,
kʋ yɩ ləzoni nə ken dɩ̀àn ʋ jɩɩn wa.»
Ba swɩ̀n nətʋ,
ba yà nə dəri lɩ̀à tə fən yɩrɩ.
Lɩ̀à tə mama yà yə̀ə́ də,
Zwan yɩ Yɩɩ nii *sʋ̀sʋ̀nʋ̀ cɩ́gá cɩ́gá.
33 Ba dàń ma le Zwezi,
ba wʋ́:
«Nə yəri.»
Zwezi də ma swɩ̀n ba con,
ʋ wʋ́:
«À də bá swɩ̀n lìù tə,
ʋ nə ken dɩ̀àn à jɩɩn wa,
à ma fwa tə yìə̀n təntə.»