Zwezi-Kərisə sʋywáŋʋ́ sagɩ tə,
Matiə
nə pʋ́pʋ́nɩ́
Zwezi dwíí dəkuu
(Likə 3.23-38)
1
1 Nə̀ń,
Zwezi-*Kərisə dwíí tə dəkuu nə yɩ nətʋ:
Zwezi-Kərisə yɩ pɩ̀ʋ́ *Davidə nàʋ́,
Davidə yɩ *Abərahamə nàʋ́.
2 Abərahamə lɩrɩ *Yɩzakə,
Yɩzakə lɩrɩ *Zwakɔbə,
Zwakɔbə lɩrɩ Zwida də ʋ nubɩa.
3 Zwida də ʋ kan Tamarə lɩrɩ Pere də Zera.
Pere lɩrɩ Esəron.
Esəron ma lɩrɩ Aramə.
4 Aramə ma lɩrɩ Amɩnadabə.
Amɩnadabə lɩrɩ Nasʋn.
Nasʋn lɩrɩ Saləma.
5 Saləma də ʋ kan Rahabə lɩrɩ Bozə.
Bozə də ʋ kan Rutə ma lɩrɩ Obɛdə.
6 Obɛdə lɩrɩ Yɩzayi.
Yɩzayi lɩrɩ Davidə.
Pɩ̀ʋ́ Davidə də Yiri kan tə ma lɩrɩ Salʋmʋn.
7 Salʋmʋn lɩrɩ Rʋbʋamə.
Rʋbʋamə lɩrɩ Abɩa.
Abɩa lɩrɩ Aza.
8 Asa lɩrɩ Zwʋzafatə.
Zwʋzafatə ma lɩrɩ Yoramə.
Yoramə lɩrɩ Ɔzɩasə.
9 Ɔzɩasə ma lɩrɩ Yotamə.
Yotamə ma lɩrɩ Ahazə.
Ahazə lɩrɩ Ezekɩasə.
10 Ezekɩasə lɩrɩ Manase.
Manase ma lɩrɩ Amʋn.
Amʋn lɩrɩ Zozɩasə.
11 Zozɩasə ma lɩrɩ Yekʋnɩa,
də ʋ nubɩa tə Yɩzərayɛlə lɩ̀à tə ka pɛ̀ ka ja va *Babɩlɔnə máŋá tə wa.
12 Ba Babɩlɔnə vəli kwa nə,
Yekʋnɩa lɩrɩ Swɩalətɩɛlə.
Swɩalətɩɛlə ma lɩrɩ Zʋrʋbabɛlə.
13 Zʋrʋbabɛlə lɩrɩ Abiudə.
Abiudə ma lɩrɩ Elɩakimə.
Elɩakimə ma lɩrɩ Azorə.
14 Azorə lɩrɩ Sadokə.
Sadokə lɩrɩ Ahimə.
Ahimə lɩrɩ Elɩʋdə.
15 Elɩʋdə ma lɩrɩ Elɩazarə.
Elɩazarə lɩrɩ Matanə.
Matanə ma lɩrɩ Zwakɔbə.
16 Zwakɔbə lɩrɩ Zwʋzɛfə Mari barɩ.
Mari tə nə lɩrɩ Zwezi,
ba nə boŋə Kərisə.
17 Yɩzərayɛlə lɩ̀à dwíə́ fugə banɩa nə wulə Abərahamə də Davidə pwə́rə́ wa,
tə fugə banɩa də ga ya Davidə də Yɩzərayɛlə lɩ̀à tə ka pɛ̀ ka ja va Babɩlɔnə pwə́rə́ wa,
tə fugə banɩa duən də yɩ tə zɩgɩ kʋ mʋ̀ Babɩlɔnə vəli təntə kʋ ja va Kərisə lʋrʋ.
Mari pùə́ tə yoo
(Likə 2.1-7, Galasi tɩ̀án 4.4)
18 Nə̀ń nətʋ,
ba nə lɩrɩ Zwezi-*Kərisə.
Ʋ nuu Mari yà yɩ Zwʋzɛfə bwàlʋ́,
ʋ nə càrɩ̀,
sə ʋ swe.
Kʋ twá Yɩɩ-*Siŋu tə dɩ̀àn nə,
Mari ma ja pùə́,
də ʋ də Zwʋzɛfə tə yəri duən,
ndə kan də bɛɛ nə.
19 Ʋ barɩ Zwʋzɛfə ʋ nə yɩ cɩ́gá tíú,
yà ba pɩ̀à,
sə ʋ kə cavɩra Mari nə.
Kʋ mʋ̀ nə pɩn,
ʋ yà pɩ̀à,
sə ʋ twá tɩa tɩa ʋ ma yá wa.
20 Zwʋzɛfə yà nə jə ka pubʋŋa təntə,
*Yuu-Tiu *malɩka twi,
ka swɩ̀n ʋ con ʋ pandwɩa wa,
ka wʋ́:
«*Davidə nàʋ́ Zwʋzɛfə,
Mari bìú tə pùə́ tə,
ʋ nə jə,
yɩ ka twi də Yɩɩ-Siŋu tə dɩ̀àn.
Kʋ mʋ̀ nə pɩn,
dàn ká pa fən ja mʋ́,
sə n tì wá ndə n kan nə.
21 Ʋ wá lɩra bibɛɛ,
n ga wá kə ʋ yɩrɩ Zwezi,
kʋ mʋ̀ də̀ń nə yɩ ʋ wá jon *Yɩzərayɛlə lɩ̀à ba cʋna wa.»
22 Tə mʋ̀ yìə̀n təntə mama twi tə tʋn,
sə Yuu-Tiu sʋgʋ tə,
ʋ nə twá ʋ nii *sʋ̀sʋ̀nʋ̀ tə nə,
ʋ ma swɩ̀n tə nii ma sú.
Ʋ swɩ̀n,
ʋ wʋ́:
23 «Nə̀ń,
kacɩɩn tə,
ʋ nə tə yəri bɛɛ,
wá ja pùə́,
ʋ wá lɩra bìú,
ba ga wá bon wá Emanuwɛlə.»
(Kʋ mʋ̀ də̀ń nə yɩ:
“Yɩɩ wulə də nəba.”)