5
Kudiplo-domba yeú hlu
Gembala-gembala
Lukas 2:8-20
8 Denti de ndie ku, kunale Betlehem ho, kudiplo-domba yeú hlu, kuna mesúm* kuna mesúm Ndie nembwo nombe skie: mesúm kamang sip ho, domba-domba yeú tadekakúm. 9 Wuo yano† Wuo yano Ndie nembwo nombe skie: Surga siende dawo hlu, nomnang múe ne puoleintyim. Nomnang, Wai Ilam de hangglang nawong tadetúm. Ndiene, nomnang metep temien dúnglentúm. 10 Dawo hlu ne, nomnang ho intyim, “Ko kwo metep ho! Wali! Ngo dawodo lekentú!! Skietendú insylú de, debú iwei nembwo. 11 Ko ityemande! Komnang menang ho, hlu dasu maito túúilanam, Daud de yano ho. No ndie, insylú sup besu menang de hlu.‡ sup besu Ndie nembwo nombe skie: kelegaan atau penyelamatan No Wai Ilam ne tekúú de Ilam Temien Ya. 12 Ko kemenale de, kado tekukemeneli, dukinsai, mwa ne pou de, kudiplo de mesúm tetau sip mai kado pongklemeneli. Meko ndie ne ko hnum, ngambe nembwo, tenang.”
13 Ku kwo lúú ho, ndie dawo hlu tene, temung tabe nalyam kwo puolatum. Nomnang Wai Ilam ho, sya tiemantum. Ndie sam ho:
14 “Wai Ilam Ya, No blong tenang ho, iwei konglatum.
Nome iywa de insylú ho, wali nenem tieleinggentim, kunale ne lemedatum.”
15 Dawo hlu tang ne puolebetum, Wuo yano ne. Domba yeú hlu, meni ne-meni ho nembwo lwouilatam, “Yo ima! Kemenatam, nu pong, ndie mako Betlehem ho lemedanom de. Temien Ya de dawo hlu nembwo lekentim de, lwouleintyim de.”
16 Yamho, nomnang kondo ho kenakam de, tekuimentim. Maria ne Yusuf ne poindyentim. Du ndie, kudiplo de mesúm tetau sip mai, lei de, tekatam. 17 Dukeipu ndie, yam poindyemantam de, ndie dúdywai nende nembwo, dawo hlu ne lwou de, lwouilatam.
18 Skietendú insylú, domba yeú hlu de nembwo ho ityakam de, nggleng dendúng senggwong tadekakúm. 19 Maria paiho, skietendú nembwo ndie takum de, debú mai dekúm, nggleng ho dúengkekúm.
20 Domba yeú hlu, skietendú ndie twasing de, poindyentim de, Betlehem ho, dawo hlu ne lwou de ityakam de nembwo, tendyúam lemeklatam. Ndiende, Wai Ilam sya tetii tene, tang ne kenatam.