4
Yesus túú de nende
Kelahiran Yesus
Lukas 2:1-7
1-2 Maria, du túú banu ne dekekúm, ndie ku, kunale Siria ho, Kirenius ne inggyambú dekekim. (Israel siende, Siria wai benggip nendi ho kesúem).* Ndie ku, Israel ho, ilam Herodes inggyambú dekekim. Israel ne kie luu de kunale Galilea, Samaria, Perea, Yudea. Herodes ne Kirenius ne Kaisar Agustus de kie mai kongkekekim. Muokang tendúam.
Ku ndie ne, insywo naklúe, Kaisar Agustus, nombe siende nembwo pulatum. N'sam ho: “Skietendú insylú haplo-haplo nde, Roma de kie mai letum de, tebúp-tebúp sú kliikenedi, bele-bele yano ne.” (Ndie tendú kie ketinde, sú kliekum de). 3 Ndiene, skietendú insylú, nele-nele yano ne sú keklii ho, pulatum.
4 Yusuf no, tang Daud sie pung de, ndie tang 'nde, Nasaret yano kunale Galilea siende, ee kunale Yudea ne bekim, Daud de idyo – Betlehem yano ne. 5 Amai ho, Maria tene, sú tendyúam ho klii. Nombe banyang,† Nombe banyang bilang Yusuf no Maria lúetam. Jadi Maria bisa juga disebut nombe ki. Tetapi mereka belum bersetubuh. Oleh karena itu, disini Maria disebut nombe banyang. heni du tene deketúm de.
6-7 Betlehem yano ne pungklatum de, skietendú ngglop yamo, insylú ne yam ho menggiingketim, ndiende nomketi sip kamang. Ndie tang 'nde, kudiplo de yamo klúnggú ne, taityetum. Ndie ho, Maria long ndaatum. Maria, kedwong du, habum túelatum. Du ndie mwa ne polatum de, kudiplo de mesúm tetau sip mai, lelatum.
*4:1-2 Ndie ku, Israel ho, ilam Herodes inggyambú dekekim. Israel ne kie luu de kunale Galilea, Samaria, Perea, Yudea. Herodes ne Kirenius ne Kaisar Agustus de kie mai kongkekekim. Muokang tendúam.
†4:5 Nombe banyang bilang Yusuf no Maria lúetam. Jadi Maria bisa juga disebut nombe ki. Tetapi mereka belum bersetubuh. Oleh karena itu, disini Maria disebut nombe banyang.