3
Dawo hlu Yusuf ho nembwo lwoulemantam de
Kelahiran Yesus Kristus
Matius 1:18-25
18 Ilam Yesus túú de, ndie sam ho: du kanggúe meni, no kanggúe tenang deketúm, nombe sú, 'Maria'. Maria ndie, Yesus de nemya. Maria no, Yusuf tene banyang ho kyang. Nengki-nelu ho, nenem tap maning kwo teku de ne, Maria paiho, du ming ne nawong datum, Kesep Kwalop siende dong ne. 19 Yusuf, debú biap tenang deketim. Insylú ne, Maria de sú klapo nende. Ndie menang 'nde, Maria nende banyang, nembwo tebu ho tenggeing menang de, debú mai deketim.
20 Yusuf no, ndie nggleng dúng tene deketim de, Temien Ya de dawo hlu ne, ndi mai ho lwoulemantam, “Yusuf! Ko Daud siende du demamdo tang! Maria Du ndie platum de, Kesep Kwalop de dong ne leme de kado. Ndie tang 'nde, nom tene kenou menang de, kwo metep. 21 Ko hnum! No Du, habum kado túeladum. Nome, Nombe insylú, klapo dabum mai siende, wali tiileindyim. Ndie menang ho, Nombe sú tebielade de, 'Yesus'.” * ‘Yesus’ Yunani nembwo ne unsing de. Ndie sú Ibrani nembwo ne unsing de, ‘Yosua’. Ndie sú nombe skie, “Wai Ilam, wali tieleindyim.”
(Sú ndie, nombe skie: 'Meslu Wali').
22 Ndie mako no kabe:
Du kanggúe ndie, du nawong dakum de, Wai Ilam de nembwo, hlu waidyi ne dapu ho lwoulakam de, lemedakum de.
23 Nembwo no ndie sam ho:
“Ko kado pongklemdi. Du meni, no kanggúe tenang, no du kado nawong dalum, du habum túeladum.
Nom ho tebieiladam de sú, 'Imanuel'.”
(Sú ndie, nombe skie: 'Wai Ilam yom tene tadiementim').
24 Yusuf wasi sie nggwadetim de, ndiene, dawo hlu ne lwou de sam ho, Yusuf no Maria lúetam. Nombe nggleng dúng, kwo lemedemantum. 25 No paiho, Maria, du tene deketúm de, Yusuf, Maria tene nenem kwo teku, ee Maria du ndie túelakum. Du ndie yam túelakum de, Yusuf ne nombe sú ndie tebielemangkam, 'Yesus'.
*3:21 ‘Yesus’ Yunani nembwo ne unsing de. Ndie sú Ibrani nembwo ne unsing de, ‘Yosua’. Ndie sú nombe skie, “Wai Ilam, wali tieleindyim.”