Israeli̱tajmej asij Canaán
Josué 3:1‑6, 13‑17; 4:1‑24; 5:10‑15
58
Josué kitekimáꞌ israeli̱tajmej iga mamalista̱ro̱ka̱n iga yawij ojkuitij. Sacerdo̱tejmej kixijxitonkej kuetaxtio̱pan, iwá̱n ipilowa̱n Leví kiwi̱gakej kajkoktiájkijpa. Kua̱ꞌ asikej ipan a̱te̱n Jordán. Josué kijtoj:—Amejeme̱n sacerdo̱tejmej, xikuika̱n iya̱rcaj Dios, iwá̱n xitapano̱ka̱n.
A̱ꞌti poxsan weyititoya iga itie̱mpoj katka tiawa̱ꞌ. Kua̱ꞌ sacerdo̱tejmej yej kiwi̱gayaj yej ken baúl yej kijlia̱yaj iya̱rcaja Dios taksakej ipan a̱tate̱n, a̱ꞌti yej wi̱tziaya ajkopíkapa pachiwiꞌ iga motalowa, kenkua̱ꞌ yokawa̱laj tejté̱ yej kiyokatzakuili̱ko, iwá̱n yej ka̱wiꞌ taníbapa yej ya̱ya láma̱rko, newi temoj. Iwá̱n sacerdo̱tejmej ejkatikajkej ipan wá̱ꞌta̱l tajko Jordán, iga kichakej inochi tokni̱wa̱n mapano̱ka̱n.
Kua̱ꞌ nóchiya panojkej, Josué kino̱tzaꞌ ino̱mej doce tajta̱gaꞌ yej áchtoya kitapejpen se̱ ta̱gaꞌ ipan sejsé̱ tribu iwá̱n ijkí̱n kijlijkej:
—Sejsé̱ de amejeme̱n xikuika̱n se̱ teꞌti tajko a̱ꞌti, ompa ka̱n ejejkatokej sacerdo̱tejmej, xikuajligaka̱n iwá̱n tiawij tikta̱li̱tij ka̱n tiawij tika̱witij.
Kua̱ꞌ kiwajligákeja temej, Josué kitekpi̱choj, iwá̱n kijlij la gente:
—Nochipa kua̱ꞌ tikitaskej ini̱mej temej, tiawij tikejla̱mikitij ken iga Dios te̱pale̱wij iga ta̱panojkej ipan Jordán. Iwá̱n kua̱ꞌ topilowa̱n mate̱tajtanika̱n: “¿Té̱ kijto̱jneki ini̱mej temej iga tejeme̱n?”, tiawij tikpowili̱tij ken iga Dios te̱pale̱wij.
Josué no̱ kitekpi̱choj doce teꞌti tajko Jordán, ompa ka̱n ejejkatoyaj sacerdo̱tejmej yej kiwi̱gayaj iya̱rcaj Dios. Iwá̱n sacerdo̱tejmej ki̱skej ka̱n ejkatoyaj tajko Jordán; iwá̱n kua̱ꞌ taksákeja ipan ta̱lte̱n, a̱ꞌti pe̱waꞌ sej iga motaloj.
Israeli̱tajmej mokaltijkej sej ite̱noj we̱ya̱ꞌ Jordán, ipan íta̱l Gilgal iwá̱n ompa kita̱lkej inó̱n doce teꞌti yej kikuikej tajko we̱ya̱ꞌ. Ompa kiketzkej sej kuetaxtio̱pan iwá̱n la gente ikuetaxkajlimej.
Kua̱ꞌ ompa onoyaj, Dios kijtoj iga nochi tajta̱gaꞌ wa̱n choochi̱n yej israelita mamocircuncida̱ro.b Inó̱n Dios tatekimáꞌ iga desde iga ki̱skej Egipto, yej kiwi̱gay 40 años, nisé̱ choochi̱n ayá̱ꞌ mocircuncida̱roj iga mane̱si iga Dios kichij pacto wa̱n israeli̱tajmej. Iwá̱n ompa kichijkej ilwiꞌ yej kijliáj la Pascua. Ipanya seꞌ día kichijkej pa̱n yej ayá̱ꞌ kipiá levadurac iga trigo yej ómpaya kasikej Canaán. Iwá̱n íkua̱ꞌya Dios ayꞌya kiti̱tan maná, iga kikuá̱yaja yej kito̱kayaj ipan ta̱jli.
Se̱ día, kua̱ꞌ Josué nemiá ite̱noj a̱ltepe̱ꞌ yej ito̱ka̱ꞌ Jericó, kémpasan kitaꞌ se̱ ta̱gaꞌ ejkatoꞌ iyi̱xtaj, kiki̱tzkijtoꞌ se̱ espada. Josué kina̱ꞌtechoj iwá̱n kijlij:
—¿In tej ix de nejéme̱mpa o yej anne‑ijiyaj?
—Nej niwa̱laj ken capitán yej isolda̱dójmejpa Dios —kijtoj.
Iwá̱n Josué motankua̱ketzaꞌ iwá̱n motzonto̱gaꞌ este ipan ta̱jli, iwá̱n kijlij:
—¿Té̱ tikneki manikchi̱wa, noTe̱ko?; manikchi̱wa ken tikneki.
Inó̱n capitán kijlij Josué:
—Xiki̱xti mogaꞌ, iga inó̱n ta̱jli ka̱n tejkatoꞌ, Dios kitapejpen iga itatki.
Iwá̱n Josué kichij kensan kijlijkej.