Dios kichi̱wa iga la gente amo matajto̱ka̱n ipan se̱san tájto̱l
Génesis 10:32–11:9
6
Kua̱ꞌ poliwílo̱ꞌya, yej moma̱nawijkej kipiakej poxsan ipilowa̱n iwá̱n ijkó̱n iga pi̱wilo̱ꞌ sej ipan ta̱jli. Inó̱n tiempo inochi yej onokej ipan iní̱n ta̱jli kipiayaj se̱san itajto̱lmej. Se̱ día kijtojkej:—Tiawij tikchi̱watij se̱ weyi‑a̱ltepe̱ꞌ iwá̱n se̱ torre yej paré̱j wejkapan iga mate̱weyimati̱lti̱ka̱n. Amo matipa̱payi̱ntinemika̱n no̱ya̱n ipan iní̱n ta̱jli. Má̱j ye̱kti séka̱nsan matimocha̱nti̱ka̱n.
Kua̱ꞌ Dios kitaꞌ inó̱n a̱ltepe̱ꞌ iwá̱n torre yej nemi kichi̱wayaj tajta̱gaꞌ, kijtoj: “Kitzi̱ntíjkeja iga tekipanowaj iwá̱n ayagaj wel kika̱waltiáj. Inochi̱n kipiáj se̱san itajto̱lmej, inó̱n iga wel moentende̱rowaj iga kichi̱waj yej kejla̱nkej. Iná̱n matitemo̱ka̱n iga matiktajto̱lpatatij iga ayꞌya mamotajto̱lkakika̱n wa̱n iyikni̱mej.”
Iwá̱n ijkó̱n Jehová Dios kitajto̱lpataꞌ inochi gente. Inó̱n iga kikajtejkej iga kichi̱waj a̱ltepe̱ꞌ iwá̱n torre iwá̱n pa̱payi̱nikej no̱ya̱n ipan ta̱jli. Iwá̱n inó̱n a̱ltepe̱ꞌ moto̱ka̱wij Babel, iga Dios ompa kitajto̱lpataꞌ inochi gente.