John
RUI HYMEI REYMEI TATDYN
KALAM DINHMEI
John rui Hymei Reymei Tatdyn hei kalam kanei nai e: mi tatdyn hei pahmei nunc tei Ravguangc khatni Kanac Mpouh Jisu Khrista lev akhat na swna bam khang katiuloumei khatni Ravguangc khou rui sw ntamvlou punimei tuang mbianghmei riakdyn dinhmei nunc khou rui karei thay khang dincloumei, mi hei e. Dinc mbianghmei nunc rui dinhmei kiu mi kandic hei thu simei e, kumna mi kandic khou kahi kanmei guay thu si the; mi zaeng rui Ravguangc Nac Mpouh Jisu hei maansei ling hamh e twmei hei e. Ringhbamv laa khang mi kandih panty khou rui duak pat nina de, kumna ringhbamv khou hei ntu nggaanv khei hei rui ramhkhat sini kabiu mak e khatni khat lev khat ta nzianmei hei rui ni mbumei tuang maek e twna dinc e. Mi nunc ta hei akhangvna, mi tatdyn hymeipu rui Jisu Khrista hei maansei ling de twmei sa e, khatni Jisu khou lwmmei nunc khatni Ravguangc ta nzianmei nunc thu khat khat ta nzian nina de twmei nkunna dinclou e.
Kalam Khaklangcloumei
Kalam dinhmei 1.1-4
Gaanhmei khatni zinghmei 1.5—2.29
Ravguangc Nac khatni Ravsic Nac 3.1-24
Nchumhmei khatni nkhuaimei 4.1-6
Nzianmei taanv 4.7-21
Rihngammei ramlum 5.1-21