5
1 Tingkuh guay hei maansei makaemv khou rui kapah lana, meicnunc phaan Ravguangc siamruai sw khang, puatkat kat khang khatni paapc khang khaeng khang suangloumei nunc e. 2 Kamei hei ni kalam katana khou suanmei nai lapui zaeng rui thay makna taanc maanvloumei guay khang nzaenghna kakhanhlou ngam e. 3 Kamei kahak ni suanmei lapui zaeng rui, meicnunc paap khang na hamhna kapaap khang ni kamei khaeng mak nuh mak e. 4 Meic gaanv khat na sini kamei Tingkuh sw ni twna karana sw nuh mak e; Aaron ta kumcna Ravguangc rui kawloupui thei layna sw nina de.
5 Mi tei kumcna Khrista ni karana rui Tingkuh tikgunc laa sw tu hamh e, tiki
"Nang hei anac mpouh e,
aseic thu ai hei nang pu di the."
"Nang hei Melkhizedek tuang amuc laeng khou,a
tingsaengzaeng amuh sw puni,"
twna ni hylouna nai e.
7 Jisu kamei mbaanv pumc swna bampui douc, kata theic nimei khou rui gulou ngammeipu khou kapna kaucna huay khwan e. Kamei Ravguangc ta pingmeipu tipui zaeng rui kamei huayneymei tei chulou khwan e. 8 Kamei Ravguangc nac mpouh khwan sini, lat piuna ryanramei khaengvlou the. 9 Kumna kathouc taanc nthuihlou lana kamei kalat piumei guay khang tingsaengzaeng ringcbamv tiiloumeipu sw the, 10 khatni Ravguangc rui kata Melkhizedek amuc laeng khou b Tingkuh swna suanglou the.
Lwmmei Mpat Mak khang Kadyloumei
11 Mi lam khou hei sa khang mpeyna nai he, tiki nangniw khou thay niimei tuang maekpui zaeng rui, nangniw khou dinc bam khang kungc the. 12 Ntaw thu nangniw meicnunc khang nchamlou bam biuhpui ganv di the, tiki nangniw khang Ravguangc tuang kabangbi latdyn guay tei nchamlou khang kage nai bam di he. Nangniw naptanh tu ngam makmei, noucdui na kage naimei angana mbaih the. 13 Noucdui na zangv bammei tei thu angana di he; kaniw nchumhmei ta thay mak e. 14 Tiki naptanh hei thu, chada zauc lana tabui tei simei cho khatni tabui tei gaymei cho twmei thaymei meicphamei nunc khang e.