Ibrimei
KHOU HYMEI TATDYN
KALAM DINHMEI
Ibrimei nunc khou Hymei Tatdyn hei kaniw ta thinghmei mbu thauna, Khristian ramlum hei mpatlou nuhmei lwnlung khou bammei Khristian nunc khang hymei tuang e. Jisu Khrista hei kalingmei khatni nkhamhmei Ravguangc khou rui guangmei e twmei lyanna, hymeipu rui kaniw ta katiuthaulou e. Mi khou hei kamei rui kalam kathumh nkunna dinclou e: (1) Jisu Khrista hei tingsaengzaeng Ravguangc Nac Mpouh e. Kamei Ravguangc Nac Mpouhpui zaeng rui, kamei hei Latdyng Guangc tuang muczwng guay suangc ni, kauh baanchara guay suangc ni, khatni Mousi khang suangc ni daic e. (2) Jisu ta hei Ravguangc rui tingsaengzaeng amuc twna kauc patlou kan the, kumna kamei hei Latdyng Guangc tuang amuc nunc suangc daic e. (3) Lwmloumei guay Jisu paan rui paapc, pingmei, khatni theihmei khou rui duak the; Latdyng Guangc tuang ravkhaengmei tei rui kamaengc swmei ringcbamv ling tei Tingkuh Jisu rui khaeng nthuihna tiilou the.
Reynungc Isaraelmei lwmloumei nunc ta tei kidana, kaniw ni lwmmei khou ntip bam khang katiulou e. Tabui bui tuang ryanra rairiumei guang bam sini Jisu ta zaucna katwan nganvna lwm khang katiulou e. Mi buk khou hei nchamloumei khatni ramhthay khang dincloumei lat rui luailou e.
Kalam Khaklangcloumei
Khrista hei Ravguangc tuang nthuihmei ndauhloumei e 1.1-3
Khrista hei kauh baanchara suangc daic e 1.4—2.18
Khrista hei Mousi suangc ni Joshua suangc ni daic e 3.1—4.13
Khrista hei baihmei tingkuc guay suangc daihmei Tingkuc e 4.14—7.28
Khrista tuang latryan hei rui daic e 8.1—9.28
Khrista ta khaengloumei rui daic e 10.1-39
Lwmmei 11.1—12.29
Ravguangc ta tipianmei 13.1-19
Luailoumei ravsuai 13.20-21
Latriaw riauloumei 13.22-25