Tita
KHOU Paul RUI HYMEI TATDYN
KALAM DINHMEI
Tita khou Paul rui Hymei Tatdyn hei Jihudi hamhmei lunghlaic guangmei Paul tuang missionari taanv khou lay kazauhmei gaanv khat e. Mi tatdyn hei Paul rui Krit tuang phwamling ta zauclou khang ndiuloumei Tita khou hymei tuang e. Mi tatdyn khou hei kalam kathumh khou dinclou e. (1) Khristian kapy akhat swmei tuang kheiliak hei Kritmei nunc tuang simei kheiliak pang khou tei akumhna lungc nina cho twmei tiningtowlou e. (2) Kamei rui phwamling khou bammei gaanvdaih nunc, karacpeic nunc, chabwan nunc, khatni bangh nunc ta tei akumhna nchamlou nina cho twmei dinclou e. (3) Nkhamh khou Khristian kheiliak, nkunna nchu nzaenghna, duangda gayna bam khang, khatni karaengmei, agimei khatni phwamling khou kalangv patmei nai mak khang Tita khou nchamlou e.
Kalam Khaklangcloumei
Kalam dinhmei 1.1-4
Phwamling khou taanv phunghmei nunc 1.5-16
Phwamling khou bamv kakang baih baihmei nunc tuang taanv 2.1-15
Katiuloumei 3.1-11
Latriaw riauloumei 3.12-15