Zhenɛzi
Sɛmɛ wemu wʼa koŋɔ ɲɔkɔɔnrɔ keree yu ge
Kilɛ wʼa koŋɔ yàa
1
Koŋɔ ɲɔkɔɔnrɔ na Kilɛ wʼa fugba ni ɲiŋɛ yàa. 2 Ɲiŋɛ ki bi bye ɲaha baa, yaaga baa. Nibiige ki bi tɔ locogoŋɔ ɲuŋɔ ni. Kilɛ Munaa di ɲɛ lɔhɔ ki ɲuɲɔ na. 3 A Kilɛ di jo: «Kpɛɛngɛ ki pye.» Taapile ni a kpɛɛngɛ di bye.a 4 A Kilɛ di kpɛɛngɛ ki ɲa kʼa ɲɔ, na kpɛɛngɛ ni nibiige waa laha yiyɛ na, 5 na kpɛɛngɛ ki mɛgɛ yiri «caŋa», na nibiige ki mɛgɛ yiri «piige». A piige nigin di bye ni caŋa ɲii nigin. Kee ɲɛ cazhiige ke.Kilɛ wʼa fugba ni ɲiŋɛ yàa
6 A Kilɛ di jo: «Laraga ki pye lɔhɔyɔ yi tɛ ni. Kʼi lɔhɔyɔ yi laha yiyɛ na.»b 7 A Kilɛ di laraga ki yàa. A kee laraga kʼi nɔhɔdaan lɔhɔyɔ ni fugba lɔhɔyɔ yi laha yiyɛ na. A lee shiin di bye mu. 8 A Kilɛ di laraga ki mɛgɛ yiri «fugba». A piige nigin di bye ni caŋa ɲii nigin. Kee ɲɛ caŋa shuun wogo ke.
9 A Kilɛ di jo: «Fugba wu wo nɔhɔdaan lɔhɔyɔ yi yiyɛ pinnɛ tanugo ni. Tawaga di bye.» A lee shiin di bye mu. 10 A Kilɛ di tawaga ki mɛgɛ yiri «ɲiŋɛ», na lopinniyɛ yi mɛgɛ yiri «suumɔ lɔhɔ». A Kilɛ di lee ɲa lʼa ɲɔ.
Kilɛ wʼa ɲà, ni shinma, ni tiire yàa
11 A Kilɛ di jo: «Ɲiŋɛ ki ɲà ni shinma yeege, yi yiyɛ shi pye; tiire bɛ di tiyɛ pyaa nagoo pye ni cegee ni.» A lee shiin di bye mu. 12 A ɲiŋɛ kʼi ɲà ni shinma yeege, na bɛ ni yi tuuyo ni, ni tisɛyɛ bɛ ni yi tuuyo ni, yi cegee di bye yi nagoo ni. A Kilɛ di lee ɲa lʼa ɲɔ. 13 A piige nigin di bye ni caŋa ɲii nigin. Kee ɲɛ caŋa taanri wogo ke.
Kilɛ wʼa caŋa ni yeŋɛ yàa
14 A Kilɛ di jo: «Kpɛɛnyegeye yi pye fugba we ni. Yʼi caŋa ni piige laha yiyɛ na. Yʼi bye ɲaha shɛshɛɛrɛ, yʼi da tɛɛgɛɛ ki shɛɛ, yʼi da caŋa ɲɛhɛɛ, ni kaleŋɛɛ, ni yee shɛɛ. 15 Yʼi bye kpɛɛnyegeye fugba wu ni, yʼi da kpɛɛngɛ yeege ɲiŋɛ ki na.» A lee shiin di bye mu. 16 A Kilɛ di kpɛɛnɲuyɔ shuun yàa: a nigbɔhɔ kʼi bye caŋa ɲuŋɔ ni, a nibire lʼi bye piige ɲuŋɔ ni. A wu wɔrɔɔ bɛ yàa. 17 A Kilɛ di yi yaha fugba wu laraga ki ni, yʼi da kpɛɛngɛ yeege ɲiŋɛ ki na. 18 Yʼi bye caŋa ni piige ɲuŋɔ ni, yʼi kpɛɛngɛ ni piige laha yiyɛ na. A Kilɛ di lee ɲa lʼa ɲɔ. 19 A piige nigin di bye ni caŋa ɲii nigin. Kee ɲɛ caŋa shishɛɛrɛ wogo ke.
Kilɛ wʼa ɲìi yaŋmuyɔ yàa
20 A Kilɛ di jo: «Ɲìi yaŋmuyɔ niɲɛhɛyɛ yi pye lɔhɔ ni. Shazhɛɛrɛ di da yìri ɲiŋɛ ki na tʼa beele fugba wu ni.» 21 Kilɛ wʼa fyanagaya, ni suumɔ lɔhɔ yaŋmuyɔ, ni lɔhɔ yakokaara bɛɛri yàa, na bɛ ni tiyɛ pyaa tuuyo ni. Na shazhɛɛrɛ bɛ yàa, na bɛ ni ti tuuyo ni. A Kilɛ di lee ɲa lʼa ɲɔ. 22 A Kilɛ di duba yi mu na jo: «Yi pye sege fɛɛ, yʼi nagoo niɲɛhɛmɛɛ ta, yʼi suumɔ lɔhɔ ɲi. Shazhɛɛrɛ bɛ di ɲɛhɛ ɲiŋɛ ki na.» 23 A piige nigin di bye ni caŋa ɲii nigin. Kee ɲɛ caŋa kaguro wogo ke. 24 A Kilɛ di jo: «Ɲiŋɛ ki ɲìi yaŋmuyɔ tuuyo bɛɛri yeege: yapɔrɔyɔ, ni sige yaŋmuyɔ, ni yakokaara bɛɛri, yi bɛ ni yi tuuyo.» A lee shiin di bye mu. 25 Kilɛ wʼa ɲiŋɛ xaara bɛɛri yàa, ti bɛ ni ti tuuyo: sige yaŋmuyɔ, ni yapɔrɔyɔ, ni yakokaara, na bɛ ni yi tuuyo ni. A Kilɛ di lee ɲa lʼa ɲɔ.
Kilɛ wʼa ná ni cee yàa
26 A Kilɛ di jo: «Wù sipya yàa wùyɛ jaa ni. Wu bye ba wèe ɲɛ wɛ; wu bye fyaa, ni shazhɛɛrɛ, ni ɲiŋɛ xaara, ni ɲiŋɛ yakokaara bɛɛri ɲuŋɔ ni.»c
27 Kilɛ wʼa sipya yàa wuyɛ jaa ni.
Wʼa wu yàa Kilɛ jaa ni.
Kilɛ ya pu yàa ná ni cee.d
28 A Kilɛ di duba pu mu na pu pye: «Yi ɲɛhɛ! Yi ɲiŋɛ ki ɲi! Yi ki kuu! Yʼi bye lɔhɔ fyaa, ni fugba shazhɛɛrɛ, ni ɲiŋɛ ɲìi yaŋmuyɔ yi bɛɛri kafɛɛ.» 29 A Kilɛ di jo: «Wii mɛ nɛ ɲiŋɛ ki shinma we ni ki tisɛyɛ yi bɛɛri kan yi mu, yi cegee na ɲɛ yi nagoo funŋɔ ni. Yee na ba bye yi ɲɔlige. 30 Nɛ ɲà kan naŋa yaaya, ni fugba shazhɛɛrɛ, ni ɲiŋɛ yakokaara ti bɛɛri mu yi ɲɔlige.» A lee shiin di bye mu. 31 A Kilɛ di wu yaŋmuyaaya yi bɛɛri ɲa yʼa ɲɔ xuuni. A piige nigin di bye ni caŋa ɲii nigin. Kee ɲɛ caŋa gbaara wogo ke.