Sura'na Paulus lako jamaa jio kota
Kolose
Kada dipajolo
Kolose mesa' kota jio Asia Biccu', jio kadellekan kota Efesus lan kaparentan Roma. Ia tee jamaa jio kota Kolose tangngia Paulus mpadenni, apa tomatappa' jio mai kota Efesus male mpangpeissenanni to Kareba Kasalamatan lako. Nasa'ding Paulus kumua den pangngajaran sala jio jamaa Kolose to napangpangngajaran ba'tu pira-pira guru tangtongan. Ia joo guru tangtongan mangngajahhi kumua, “Paralluki' nturu' atoran sunna', mangrupa-rupa pemali na budapa to laenna.”
Nauki' Paulus tee sura' lako jamaa jio kota Kolose dikua anna pangpeissenanni to pangngajaran tongan, nacaccai to pangngajaran sala. Ia to kaminang parallu lan tee sura'na Paulus iamo to kumua: Napadenni Puang Allataala tee lino mpake Almaseh. Jaji, mala'bih to Almaseh na ia to sininna apa jao langi' na lan lino. Iamo joo Ia mandara ngkullei mpasalama' tau. Na ia to pangngajaran laen mangpalao sala mandari.
Parallu too diissen kumua ia to mbawai tee sura' lako jamaa jio kota Kolose, iamo to Tikhikus sola Onesimus. Ia to Onesimus kaunanna Filemon to nasua Paulus pole pole' lako puangna, mesa' todai tau lan jamaa jio kota Kolose.
Issinna Sura'
Pamula sura' 1:1-8
Sipa'-Na sola jaman-Na Almaseh 1:9-2:19
Katuoan baru to natarima tomatappa' 2:20-4:6
Tampakkana sura' 4:7-18