Bungah sura'na Paulus lako jamaa jio kota
Tesalonika
Kada dipajolo
Kota Tesalonika, iamo kota matonggo jio propinsi Makedonia lan kaparentan Roma. Den to-Yahudi, apa la'bi buda ia to bangsa tangngia to-Yahudi.
Ia to jamaa jio, iamo napaden Paulus tonna mellelemo jio mai kota Filipi. Ia tonna ratu Paulus mpangpeissenan Kareba Kasalamatan jio kota Tesalonika, buda tau memmatappa' lako Puang Isa Almaseh. Apa te'da namasai mangkanna joo, denmi ba'tu pira-pira to-Yahudi masere ati, napamulai nnewa Paulus. Iamo joo nasalaii Paulus to kota Tesalonika, namale lako kota Berea.
Nauki'i Paulus tee sura' lako jamaa jio kota Tesalonika, anna pamasumanga'i napamawatang tooi to kamatapparanna. Napangngingaranni Paulus to tomatappa' dikua anna alai palelean mata to sipa'na tonna jio unapa sola (2:1-2). Napangngajaran tooi to karatuan-Na pole' Puang Isa Almaseh (4:13-5:11). Napangngingaranni Paulus kumua, anna pada mangjama melo ngasan (4:11-12), nasabbara' ntajanni to karatuan-Na pole' Almaseh.
Issinna Sura'
Pamula sura' 1:1
Pangkurrusumanga' na pangpujian 1:2-3:13
Pangpakainga' namelo sipa'na to tomatappa' 4:1-12
Pangpamanassa to karatuan-Na pole' Almaseh 4:13-5:11
Cappa'na pangpangngingaran 5:12-22
Tampakkana sura' 5:23-28