Sura'na Paulus lako jamaa jio kota
Filipi
Kada dipajolo
Ia to jamaa jio kota Filipi iamo bungahna napaden Paulus jio Eropa. Ia to kota Filipi mesa' kota jio propinsi Makedonia lan kaparentan Roma. Ia tee sura' nauki' Paulus tonna lan pangtarungkuan. Ia joo wattu masussai penawanna, nasaba' buda tomatappa' nnewai. Naden too tau lan jamaa jio kota Filipi mangngajahhi sala. Apa moi nasusi joo parannu sola masannang bang Paulus nnuki'i tee sura'. Ciapari nasusira joo to Paulus? Nasaba' kamatapparanna lako Puang Isa Almaseh.
Nauki'i Paulus tee sura' la mangkurru sumanga' lako jamaa jio kota Filipi, sanga mangkamo naben kaparalluanna tonna maparri'. La mpamasumanga' tooi jamaa jio kota Filipi kumua namawatang sola sabbara' moi namaparri'. Napeta'dai kumua ia to tomatappa' la susi Puang Isa Almaseh, danggi' namatampo.
Ia tee sura' ba'tu pira-pira to dipattantu lan. Iamo to: kaparannuan, kamawatangan, mesa' penawa, na kasabbarasan. Ia tee sura' nanii pajan to pangpakamoja'na Paulus lako jamaa jio kota Filipi.
Issinna Sura'
Pamula sura' 1:1-11
Paulus lan pangtarungkuan 1:12-26
Sipa' Tosarani 1:27-2:18
Timotius sola Epafroditus la male lako kota Filipi 2:19-30
Pangpakainga' majaga lako tomangngajahhi sala 3:1-4:9
Pangkurrusumanga'na Paulus lako to-Filipi 4:10-20
Tampakkana sura' 4:21-23