Sura'na Paulus lako jamaa jio tana
Galatia
Kada dipajolo
Ia to tana Galatia mesa' propinsi lan kaparentan Roma jio Asia Biccu'. Ia tonna dipangpeissenanmo to Kareba Kasalamatan lako bangsa tangngia to-Yahudi jio tana Galatia natarimami, denmi pekutana kumua paralluraka to Tosarani nturu' atoran agama to-Yahudi. Nakua Paulus lan tee sura' kumua, te'da naparallu. Ia mandara diparallui to kamatapparan lako Puang Isa Almaseh, antaampa' katuoan melo te'da cappa'na. Apa budapa tau to tangkabudai pangngajahna Paulus. Ia tuu lako tau male lako jamaa jio tana Galatia mangngajahhi kumua ia to mpasikalino pole' tau na Puang Allataala, iamo to mpugauk atoran agama to-Yahudi.
Nauki' Paulus lan tee sura'na, kumua sipato'i disanga rasulu'-Na Puang Isa Almaseh. Napamanassai Paulus kumua menjajii rasulu', nasaba' napileii Puang Allataala, tangngia pangpilean tolino. Dipilei to Paulus la mpangpeissenan Kareba Kasalamatan lako bangsa tangngia to-Yahudi. Mangngajahhii Paulus kumua ia manda nasikalino Puang Allataala na tolino, ke matappa'i lako Puang Isa Almaseh.
Issinna Sura'
Pamula sura' 1:1-10
Paulus ntonganan kalena kumua Rasulu'-Nai Puang 1:11-2:21
Sikalino pole'i Puang Allataala na tolino ke matappa'i lako Puang Isa Almaseh 3:1-4:31
Kadila'paranna tomatappa' na apa to sipato' napugauk 5:1-6:10
Tampakkana sura' 6:11-18