Sura' mangpenduanna Paulus lako jamaa jio kota
Korintus
Kada dipajolo
Ia tee sura' mangpenduanna Paulus lako jamaa jio kota Korintus, nauki' wattunna masussa Paulus silaba' lako tomatappa' jio. Den tuu lako tomatappa' jio liwa' nnewa Paulus. Apa ianna Paulus, da'tan bang mpangpekitanni kumua madoang bang ia melo, namarioi tonna sikalino pole'mo.
Ia to bungah napau Paulus lan tee sura'na, iamo to kasiumputanna sola jamaa jio kota Korintus. Napamanassai kumua matumbari napasalai to tomatappa', to nnewai nacacca tooi to Paulus.
Ia tonna mangkamo mpaui joo, mane'ri napamanassa Paulus to kamarioanna kumua ia to kanapasalanna Paulus lako tuu lako tau mpadenmi pengkatobaran sola kasikalinoan.
Mangkai joo nasuami Paulus to jamaa jio kota Korintus rrempun doi' la ditulungan tomatappa' jio tana Yudea to sipato'na la ditulung. Jio cappa'na tee sura' nanii Paulus mpangkadanan kalena lako ba'tu pira-pira to-Korintus to ssanga kalena kumua ia mandara rasulu' tongan, nasangai to Paulus rasulu' tangtongan.
Issinna Sura'
Pamula sura' 1:1-11
Paulus sola jamaa jio kota Korintus 1:12-7:16
Pangpabengan lako tomatappa' jio tana Yudea 8:1-9:15
Paulus mpangkadanan kalena kumua rasulu'i 10:1-13:10
Tampakkana sura' 13:11-14