Zabur 146

Puang Allataala manda Tomangpasalamaꞌ

Halleluya!

Kupatuju lako Puang Allataala to penawangkuꞌ mpakalaꞌbih-Hi.

2 La mpakalaꞌbihnaꞌ Puang Allataala to kusompa angge tuokuꞌ,

kupakkelongan-Ni ratu lako matekuꞌ.

3 Danggiꞌ mpattuan todipekapuangngi,

tolino to teꞌda nakullei mangpasalamaꞌ.

4 Ianna matemo mellitak poleꞌmi,

na allo ia toomo joo nalanynyaꞌ to sininna akkattana.

5 Masannang to tompattuan Puang Allataala,

masannang to torrannuan pangtulung-Na Puang Allataala to nasompa Yakub.

6 Puang Allataalamo to mpaden langiꞌ, lino, tasik

na sininna issinna,

Natattaꞌ mpugauk janjin-Na teꞌda anggena.

7 Puang Allataala maruruh rraꞌtah kara-karana todipandasa,

na mben kande totangbarah.

Puang Allataala llaꞌparan toditarungku,

8 mpupakita tobuta,

mpamasumangaꞌ tokaꞌtu rannu,

mpakamojaꞌ tomakassing,

9 llendungngi tomentoratu llan kampong,

ntulung tomatemo muanena sola pea biung,

apa mpatangjaji akkattana togajaꞌ.

10 Ee to-Sion, ia to Puang Allataala misompa ratu lako batiꞌmi,

Iamo Raja makuasa teꞌda anggena.

Halleluya!