Todipaliꞌ mbating nningaran kota Yerusalem masolang
137
Ia tontadipaliꞌ jio tana Babel,cumadokkokiꞌ mbating jio randan saꞌdan
ke nningarankiꞌ kota Sion masolang.
2 Tatokeꞌmira jao kaju gandarusaa jio randan saꞌdan to cuꞌbekantaꞌ,
sabaꞌ ciaꞌmikiꞌ mpannonii.
3 Nasuakiꞌ tompaliꞌkiꞌ mpakkelonganni,
nakua tossessakiꞌ, “Pakkelongankan kelong,
kelong dipumario to dipukelong jao Sion.”
4 Umbo takua la mpukelong kelong lako Puang Allataala,
na jiokiꞌ kampongna bangsa laen?
5 Maꞌnamo natangnnissenmi limangkuꞌ mangcuꞌbekan,
na ia ke kota Yerusalemmora la tangkuingaran.
6 Maꞌnamo natangnnissenmi timungkuꞌ makkelong,
na ia ke la tangkuingaranmira to kota Yerusalem,
na teꞌda kupumarioi.
7 Oo Puang Allataala, pabalahhii to to-Edom,
sabaꞌ ia tonna diancuruꞌ to kota Yerusalem mangkadai nakua,
“Roꞌpokanni, roꞌpokanni nasirante litak!”
8 b Ee to-Babel, la diancuruꞌ kamuꞌ!
Masannang to tompabalahhi kamuꞌ kagajatan,
susi to mangka mipugauk lako kamiꞌ.
9 Masannang to tonnalai kamuꞌ anakkami
napempaꞌtonganni lako buntu batu.