Tattaꞌ-I mangpakamojaꞌ Puang Allataala
136
a Mangsukkuruꞌ kamuꞌ lako Puang Allataala, sabaꞌ melo penawan-Na,sabaꞌ tattaꞌ-I mangpakamojaꞌ teꞌda anggena.
2 Mangsukkuruꞌ kamuꞌ lako Puang Allataala to njaoanni sininna dewata,
sabaꞌ tattaꞌ-I mangpakamojaꞌ teꞌda anggena.
3 Mangsukkuruꞌ kamuꞌ lako Puang Allataala, Puangna sininna puang,
sabaꞌ tattaꞌ-I mamase teꞌda anggena.
4 Ia manda Ia to waꞌding mpugaukki to liwaꞌ mejangngaran,
sabaꞌ tattaꞌ-I mangpakamojaꞌ teꞌda anggena.
5 b Kamaccan-Na Nampaden langiꞌ,
sabaꞌ tattaꞌ-I mangpakamojaꞌ teꞌda anggena.
6 Napatiballahhi tee lino jao wai,
sabaꞌ tattaꞌ-I mangpakamojaꞌ teꞌda anggena.
7 c Ia mpadenni to mangngarrang simatonggo jao langiꞌ,
sabaꞌ tattaꞌ-I mangpakamojaꞌ teꞌda anggena.
8 Allo mangngarrang ke alloi,
sabaꞌ tattaꞌ-I mangpakamojaꞌ teꞌda anggena.
9 Bulan sola bintuin mangngarrang ke bongii,
sabaꞌ tattaꞌ-I mangpakamojaꞌ teꞌda anggena.
10 d Ia mpatei sininna anak pamungahna to-Mesir,
sabaꞌ tattaꞌ-I mangpakamojaꞌ teꞌda anggena.
11 e Ia ssolan to-Israel messun llan mai allaꞌna to-Mesir,
sabaꞌ tattaꞌ-I mangpakamojaꞌ teꞌda anggena.
12 Mpake-I kuasan-Na sola kamawatangan-Na,
sabaꞌ tattaꞌ-I mangpakamojaꞌ teꞌda anggena.
13 f Ia mpatipangdua wai Tasik Teberau,
sabaꞌ tattaꞌ-I mangpakamojaꞌ teꞌda anggena.
14 Nasolanni to to-Israel nnolai joo allaꞌ wai tipangdua,
sabaꞌ tattaꞌ-I mangpakamojaꞌ teꞌda anggena.
15 Apa Napatuꞌpaii wai to rajana to-Mesir sola tentarana, natallan jiong Tasik Teberau,
sabaꞌ tattaꞌ-I mangpakamojaꞌ teꞌda anggena.
16 Nasolanni to ummaꞌ-Na nnolai padang pallawangan,
sabaꞌ tattaꞌ-I mangpakamojaꞌ teꞌda anggena.
17 Nataloii to raja simakuasa,
sabaꞌ tattaꞌ-I mangpakamojaꞌ teꞌda anggena.
18 Napateii to raja gaja kaissenan,
sabaꞌ tattaꞌ-I mangpakamojaꞌ teꞌda anggena,
19 g iamo to Sihon, rajana to-Amori,
sabaꞌ tattaꞌ-I mangpakamojaꞌ teꞌda anggena,
20 h na Og raja jio tana Basan,
sabaꞌ tattaꞌ-I mangpakamojaꞌ teꞌda anggena.
21 Nabenni ummaꞌ-Na napumanah to kampongna raja Napatei,
sabaꞌ tattaꞌ-I mangpakamojaꞌ teꞌda anggena.
22 Napumanahhi to-Israel taun-Na,
sabaꞌ tattaꞌ-I mangpakamojaꞌ teꞌda anggena.
23 Tattaꞌkiꞌ Naingaran ke maparriꞌkiꞌ,
sabaꞌ tattaꞌ-I mangpakamojaꞌ teꞌda anggena.
24 Nalaꞌparankiꞌ jio mai kuasanna ewataꞌ,
sabaꞌ tattaꞌ-I mangpakamojaꞌ teꞌda anggena.
25 Naben kande sininna to makkenyawa,
sabaꞌ tattaꞌ-I mangpakamojaꞌ teꞌda anggena.
26 Mangsukkuruꞌ kamuꞌ lako Puang Allataala to ngkuasai langiꞌ,
sabaꞌ tattaꞌ-I mangpakamojaꞌ teꞌda anggena.