Dipasalamaꞌ jio mai kamaparrisan
129
Kelong dipukelong ke male deꞌ kota Yerusalem.Ee to-Israel, paui kumua
gaja nasessa kamuꞌ ewa pamula malolleꞌmi.
2 Mangkada kamuꞌ kumua, “Gaja nasessakiꞌ ewa pamula malolleꞌtaꞌ,
apa teꞌda nakullei ntalokiꞌ,
3 nakojong-kojongngi to bokoꞌtaꞌ
nasusi lalan tengko.
4 Apa Puang Allataala to tangmangpasilaenan,
mangka mbukaikiꞌ jio mai pepumpungna togajaꞌ.”
5 Akeꞌ naditalo sininna to tongkabaꞌci kota Yerusalem,a
nadipakasiriꞌ na teꞌdamo nasarai mangngewa.
6 Akeꞌ nasusi reu jao batub,
teꞌdapa nadirebuꞌi namakase jolomo,
7 teꞌdamo la nakaꞌpan tomassaeꞌ,
teꞌdamo la naujun tomereu.
8 Iamo nateꞌdamo nalampaui to toliu lalan lako tomereu tee kada kumua,
“Dennaa upaꞌ Nabarakkaꞌi kamuꞌ Puang Allataala.
Kibarakkaꞌi kamuꞌ mpau sangan-Na Puang Allataala.”