Rrannuan pangtulung-Na Puang Allataala
130
Kelong dipukelong ke male deꞌ kota Yerusalem.Oo Puang Allataala, sumarronaꞌ lako Kitaꞌ,
liwaꞌ mabandaꞌ to sussakuꞌ.
2 Oo Puang Allataala, pesaꞌdingngipi to sarrokuꞌ,
Taparinawai tee petaꞌdangkuꞌ.
3 Oo Puang Allataala, ia ke la tattaꞌ-Kiꞌ nningaranni to dosakiꞌ,
nang la teꞌda tau ssarai to pangsessa-Taꞌ.
4 Apa tuli mangngaddampangan-Kiꞌ,
iamo nakalajaꞌ nakasiriꞌ-Kiꞌ tau.
5 Mpenandainaꞌ pangtulung-Na Puang Allataala,
kurannuanni to janjin-Na.
6 Mamaliꞌnaꞌ ntajan Puang Allataala,
laꞌbipa na ia to kamamaliranna tentara pangjaga ntajan mariwang.
Ia to kamamalirankuꞌ laꞌbipa na ia to kamamaliranna tentara pangjaga nakua kenna makaleꞌmo.
7 Ee to-Israel, mangrannuan lako kamuꞌ Puang Allataala,
sabaꞌ mangpakamojaꞌ-I,
natuli sadia mangpasalamaꞌ.
8 a Ia la llaꞌparan to-Israel
jio mai sininna kasalanna.