Barakkaꞌ lako tongkalajaꞌ-ngkasiriꞌ Puang Allataala
128
Kelong dipukelong ke male deꞌ kota Yerusalem.Masannang to tongkalajaꞌ-ngkasiriꞌ Puang Allataala,
masannang to tonturuꞌ pakkaeloran-Na.
2 La ngkandeko asseleꞌ toꞌdoan aꞌpuhmu,
mumasannang namelo katuoanmu.
3 Ia to balimmu llan bolamu mabatiran
susi garontoꞌ anggoroꞌ mabua.
Ia to anakkamu simalapu namawatang
sitalimbung cumadokko jio ngenan minii kumande,
susi taruk garontoꞌ kaju zaitun maloppo.
4 Susimi joo cara-Na Puang Allataala mbarakkaꞌi
to tongkalajaꞌ-ngkasiriꞌ-I.
5 Dennaa upaꞌ Nabarakkaꞌiko Puang Allataala jao mai Sion,
mukitai to kamasannanganna tau llan kota Yerusalem ratu lako matemu.
6 Dennaa upaꞌ mumalambeh sungaꞌ,
muwaꞌding unapa ngkita anak ampomu.
Dennaa upaꞌ namanyaman na teꞌda nakakurangan to to-Israel!