Pangtulung-Nara Puang Allataala takeasseleꞌ
127
Kelongna Raja Sulaiman. Kelong dipukelong ke male deꞌ kota Yerusalem.Ia ke tangngiai pakkaeloran-Na Puang Allataala mpakeꞌdeh bola,
teꞌda buaꞌna to pande mangjama.
Ia ke tangngia-I Puang Allataala llendungngi kota,
teꞌda buaꞌna to sininna tentara mangjaga.
2 Teꞌda buaꞌmi mangpamula makaleꞌ
ratu lako tangnga bongi
nnangahhi to la miputuona,
sabaꞌ ia to to-Napakamojaꞌ Puang Allataala,
mammaꞌ unapi
na Napasadianmi to la naputuona.
3 Sitonganna ia to anak dijajian, manah jio mai Puang Allataala,
napubarakkaꞌi to pajajianna.
4 Ia to anak dijajian ke malolleꞌpikiꞌ,
den buaꞌna susii mata pana natoe pangbarani.
5 Masannang to todibarakkaꞌi buda anak,
susii to tompasadia buda mata pana.
Teꞌda naladitalo,
ke siewai ewana jio pangraꞌtasan kara-kara.