Passambajang nadipemeloi poleꞌ to katuoanna to to-Yerusalem
126
Kelong dipukelong ke male deꞌ kota Yerusalem.Ia tonna pemeloi poleꞌi Puang Allataala to kota Yerusalem,
susirikiꞌ tomangtindo.
2 Simetawa-tawankiꞌ mario makkelong.
Ia joo wattu, mangkadai to bangsa laen nakua,
“Mangkami Puang Allataala mpugauk to mejangngaran lako ummaꞌ-Na!”
3 Tongan, mangkami Puang Allataala mpugauk to mejangngaran lako kitaꞌ,
iamo tamario.
4 Oo Puang Allataala, pemeloi poleꞌmi katuoankiꞌ,
susi salu makase ponno wai ke peurananmi.a
5 Dennaa upaꞌ na ia to tomukkun masse penawanna mangngamboh,
la mario nnala asseleꞌ baraꞌbahna.
6 Moi namukkun sitoꞌdoan wai matanna to tomangngamboh banne jio baraꞌbah,
nang la marioi pole mbawa asseleꞌ baraꞌbahna.