Manyaman to Nalendungngi Puang Allataala
125
Kelong dipukelong ke male deꞌ kota Yerusalem.Ia to tomatappaꞌ lako Puang Allataala
susii Buntu Siona teꞌda mpatigesuꞌi,
mawatang tarruh keꞌdeh.
2 Susi buntu ngguririkki kota Yerusalem,
susi toomi Puang Allataala llendungngi ummaꞌ-Na,
mangpamula too teꞌda anggena.
3 Teꞌda nalamangparenta tarruh to togajaꞌ
jio padang manahna tomakassing,
dikua danggiꞌ naturuꞌ mangpanggaukan gajaꞌ to tomakassing.
4 Oo Puang Allataala, Tapugaukmi to kameloan lako tomelo penawanna,
lako tomaruruh penawanna,
5 apa akeꞌ Tasessai to tomajekkong,
sola to togajaꞌ panggaukan.
Dennaa upaꞌ namanyaman na teꞌda nakakurangan to to-Israel!