Pakalaꞌbih-Hi Puang Allataala to llendungngi to-Israel
124
Kelongna Raja Daud. Kelong dipukelong ke male deꞌ kota Yerusalem.Apara la jaji lako kitaꞌ kenna la teꞌda Napangngewankiꞌ Puang Allataala?
Ee to-Israel, mebali kamuꞌ kumua,
2 “Ia kenna la teꞌda Napangngewankiꞌ Puang Allataala,
tonna ewakiꞌ ewa,
3 nang la mangkamikiꞌ naammaꞌ kalebu
tonna gaja galli lako kitaꞌ,
4-5 butung nabawakiꞌ wai salu mandirrih
natallanankiꞌ joo wai mandalan.”
6 Dipakalaꞌbih to Puang Allataala,
sabaꞌ teꞌda Naelorankiꞌ nacappuꞌi ewa.
7 Laꞌpahmikiꞌ susi manuk-manuk laꞌpah jio mai poja,
kaꞌtumi to poja tasalamaꞌ.
8 Puang Allataala to mpaden langiꞌ sola lino,
Iamo ntulungkiꞌ.