Puang Allataala dinii mentilendung
121
Kelong dipukelong ke male deꞌ kota Yerusalem.Mpalilingnaꞌ pengkitangkuꞌ ntuu deꞌ buntu,
kumekutana llan penawangkuꞌ kumua,
“Indara la ntulungnaꞌ?”
2 Ia to ntulungnaꞌ, Puang Allataala,
to mpaden langiꞌ sola lino.
3 Teꞌda Nalannelorankiꞌ nnampaꞌ abalaꞌ,
teꞌda naden Namammaꞌ to tonnampaikiꞌ.
4 Nang teꞌda Namaroja baꞌtu mammaꞌ
to tonnampai Israel.
5 Puang Allataala la nnampaikiꞌ,
jio-I saꞌde kanantaꞌ llendungngikiꞌ.
6 Teꞌda napaꞌdikkikiꞌ lussunna allo ke masiangngi,
teꞌda nasolangngikiꞌ bulan ke bongii.
7 Puang Allataala la llendungngikiꞌ jio mai sininna abalaꞌ,
Ia njagaikiꞌ tasalamaꞌ.
8 Ia njagaikiꞌ umbo-umbo dinii
mangpamula too teꞌda anggena.