Passambajang metaꞌda tulung
120
Kelong dipukelong ke male deꞌ kota Yerusalem.Ia tongkukaꞌtu rannu, sumarronaꞌ lako Puang Allataala,
Napebalinaꞌ.
2 Kumassambajang kukua, “Oo Puang Allataala,
pasalamaꞌnaꞌ jio mai pangnguraga na tomajekkong.”
3 Ee tomajekkong, miissenraka to la Napugauk Puang Allataala lako kamuꞌ?
La kupauan kamuꞌ umbo nakua la ssessa kamuꞌ!
4 Mpake-I pana pangbarani to gaja taran,
na kuaro mangpamaꞌbong.
5 Macilakanaꞌ torro sola kamuꞌ,
susi to tomentoratu jio tana Mesekh,a
na teꞌda silaenanna to torro jio tana Kedar.
6 Gaja sain kunii torro sola
to tongkabaꞌci to sikalino padanna rupa tau.
7 Kukabudai to sikalino, apa ia ke mpaunaꞌ kasikalinoan,
kannori madoang massirari.