Kota Yerusalem dipassambajangan
122
Kelongna Raja Daud. Kelong dipukelong ke male deꞌ kota Yerusalem.Gaja rionaꞌ tonna kuannaꞌ tau,
“Tamale lako Bola Puang Allataala.”
2 Ee kota Yerusalem, ratumokan,
indeꞌmokan babanganmu.
3 Mangkai dipakeꞌdeh to kota Yerusalem
menjaji kota mawatang.
4 Iamo nanii ratu suku Israel
suku to Napilei Puang Allataala,
la mangsukkuruꞌ lako Puang Allataala
situruꞌ to Napangparentan lako ummaꞌ-Na.
5 Ia toomo nanii to sininna raja batiꞌna Daud,
rraꞌtah kara-karana tobuda.
6 Passambajanganni to la napumanyamanna kota Yerusalem,
“Dennaa upaꞌ namasannang to sininna tongkamaliꞌ kota Yerusalem.
7 Dennaa upaꞌ namanyaman to tau llan kota Yerusalem to naguririkki temboꞌ mawatang.
Dennaa upaꞌ namasannang llan joo kota den bentengna.”
8 Sileꞌtokuꞌ sola sobaꞌkuꞌ kuingaran llan joo kota,
iamo kumangkada kukua, “Ee kota Yerusalem, dennaa upaꞌ namanyaman ngasan to tontorroiko.”
9 Kuingaran to Bola Puang Allataala, Puang Allataala to tasompa,
iamo kupassambajanganni to la napumelona kota Yerusalem.