Zabur 114

Mbeꞌbehhi to lino ngkita kamakuasan-Na Puang Allataala

1  Ia tonna messun to bangsa Israel llan mai tana Mesir,

tonna salaimi batiꞌna Yakub joo bangsa laen bicaranna,

2 Napupenjajii Puang Allataala ngenan malaꞌbih-Na to tana Yehuda,

na tana Israel Napupenjaji tana kaparentan-Na.

3  Nakitai Tasik Teberau to Puang Allataala nampalaian kalena,

napole bokoꞌ to wai Saꞌdan Yordan reꞌ ulunna.

4 Tirogei to buntu susi domba muane mengkondong-kondong,

namellaꞌbu-laꞌbu to membuntu-buntunna susi anak domba.

5 Ee Tasik Teberau, ciapari mupalaianra kalemu?

Ee Saꞌdan Yordan, ciapari mupole bokoꞌra reꞌ ulu saꞌdan?

6 Ee sininna buntu, ciapari mumengkondong-kondong susi domba muane?

Ee membuntu-buntunna, ciapari mumellaꞌbu-laꞌbu susi anak domba?

7 Ee lino, mbeꞌbehko jio olo-Na Puang Allataala,

Puang Allataala to nasompa Yakub,

8  to mpupengkollang buntu batu,

mpupemmata wai batu laulung.