Disukkuruꞌi to kameloan Napugauk Puang Allataala
113
Halleluya!aEe sininna taun-Na Puang Allataala, pakalaꞌbih-Hi Puang Allataala,
pakalaꞌbihhi sangan-Na.
2 Dennaa upaꞌ napakalaꞌbih-Hi tolino to Puang Allataala
mangpamula too teꞌda anggena.
3 Mangpamula jio mai kadellekan ratu tama kalambunan,
nang la dipakalaꞌbih to Puang Allataala.
4 Makuasa to Puang Allataala njaoanni kuasanna sininna bangsa,
kamalaꞌbiran-Na njaoanni langiꞌ.
5 Teꞌda ssusian Puang Allataala to tasompa,
to torro jao ngenan majao.
6 Apa mpamajiongngi kale-Na
la ngkita langiꞌ sola lino.
7 Naendekan to tokaasi-asi jio mai kamasussanna,
Nalaꞌparanni to tokaidaꞌ-idaꞌ jio mai kamaparrisanna,
8 Napapada keanggaꞌi tomapangkaꞌ,
Napasangcadokkoanni to todianggaꞌ puang.
9 Nabarakkaꞌii anak to totamanang, namenjaji indoꞌ,
namasannang, ditaratteꞌ toomi llan bolana.
Halleluya!