Raja Napilei Puang Allataala
110
1 a Kelongna Raja Daud.Nakua Puang Allataala mangkada lako puangkuꞌ,
“Cumadokkoko ntee saꞌde kanan-Kuꞌ mangparenta,
Kupupentalo ngasanni to ewamu, mukuasaii.”
2 Ee raja, la Nabarakkaꞌikiꞌ kamawatangan Puang Allataala
jao mai Buntu Sion,
Napemaluahhi to karajaantaꞌ,
takuasaii to sininna ewataꞌ!
3 Ia ke nadeteꞌmi to wattu tanii makuasa mangparenta jao joo buntu malaꞌbih,
tangdisua to tauntaꞌ namale nturuꞌkiꞌ.
Nasiratuan to kallolo
butung saleuꞌ bombon ke makaleꞌ.
4 b Mangkai massapah Puang Allataala,
na teꞌda Nalampenassannii joo janji Napassapan kumua,
“Ikomo to imang teꞌda anggena,
susi Imang Melkisedek.”
5 Ee raja, jioi saꞌde kanantaꞌ Puang Allataala la ntulungkiꞌ.
Ia ke nadeteꞌmi to allo Nanii mangsessa,
Nalanynyaꞌi ngasanni to raja.
6 Nasessai Puang Allataala to bangsa,
nasilentenan to batang rabuk.
Nalanynyaꞌii to tomakuasa llan lino.
7 La nnisoꞌi wai salu jio randan lalan to raja dipilei,
memmawatangmi napatalo.