Sipaꞌ to nakabudai na sipaꞌ to nakabaꞌci raja
101
Kelongna Raja Daud.Oo Puang Allataala, la makkelongnaꞌ mpukelongngi kumua tattaꞌ-Kiꞌ mangpakamojaꞌ, na maruruh-Kiꞌ,
matiꞌ olo-Taꞌ kunii makkelong mpakalaꞌbih-Kiꞌ.
2 La kuparinawa danggiꞌ naden caccana to katuoankuꞌ.
Piranpira Taratu ssikitannaꞌ?
La maruruhnaꞌ tuo llan bolakuꞌ.
3 Teꞌda kupupangngelohnai to kagajatan dipugauk.
Kukabaꞌci to panggaukanna tompabokoꞌi penawa Puang Allataala,
na ciaꞌnaꞌ nturuꞌi joo napugauk.
4 Ciaꞌnaꞌ mpugauk kamajekkongan,
ciaꞌnaꞌ mangpanggaukan gajaꞌ.
5 La kulanynyaꞌi to tomangkada bokoꞌ
mpau gajaꞌ padanna rupa tau.
Teꞌda kukabudaii to tomajao penawa,
na ngkita majiong bang tau.
6 Iara kukabudai to todikatappaꞌi,
iamo waꞌding torro llan bolakuꞌ.
Ia to toteꞌda caccana
waꞌding mpangjamannaꞌ.
7 Ia to tokalasi teꞌda kueloranni torro jio bolakuꞌ,
ia to topangnguraga teꞌda nasarai ssioloannaꞌ.
8 Makaleꞌ oi ke kuraꞌtahhi to kara-kara,
kulanynyaꞌii to togajaꞌ
llan mai kaparentankuꞌ,
kucappuꞌii to tomangpanggaukan gajaꞌ
llan mai kota-Na Puang Allataala.a