Kelong mangpangngara ssompa Puang Allataala
100
Pangpujian dipukelong ke mangkaroba mangsukkuruꞌ.Ee sininna tolino, gumalasi kamuꞌ mario-rio mpakkelongan Puang Allataala.
2 Mario kamuꞌ massompa lako Puang Allataala,
ratu kamuꞌ mario-rio makkelong jio olo-Na.
3 La miissen kumua Puang Allataala Ia mandara Puang Allataala teꞌda laenna.
Ia mpadenkiꞌ na taun-Nakiꞌ.
Kitaꞌmo ummaꞌ-Na to Naparakai butung rrewai domba.
4 a Mentama kamuꞌ Bola Puang Allataala, nnola jio babangan-Na, mpukelong kelong pangsukkuruꞌ,
mentama kamuꞌ tarampak Bola-Na mpukelong kelong pangpujian.
Mangsukkuruꞌ kamuꞌ mpakalaꞌbih-Hi!
5 Nasabaꞌ melo penawan-Na Puang Allataala,
Napakamojaꞌ tarruhkiꞌ teꞌda anggena,
Natattaꞌ mpugauk janjin-Na ratu lako batiꞌtaꞌ.