Kelong pangpujian
95
Ikee, tamakkelong dipatujui lako Puang Allataala,tapemaroahhii mpakkelongan Tomangpasalamaꞌtaꞌ to butung tapubuntu batu.
2 Tamangngolo lako Puang Allataala mpukelong kelong mangsukkuruꞌ,
tapemaroahhii mpukelong kelong pangpujian jio olo-Na.
3 Nasabaꞌ Puang Allataala Iamo Puang Allataala liwaꞌ malaꞌbih,
Raja liwaꞌ mawatang na makuasa njaoanni sininna dewata.
4 Ia ngkuasai lino ratu doꞌ cappaꞌna,
na sininna buntu ratu deꞌ potokkona apan-Na too.
5 Ia ngkuasai tasik sabaꞌ Ia mpadenni,
na pangkabuaꞌ-Na too to gantanan.
6 Ikee tamengguntuꞌ jio olo-Na,
tasujuꞌ ssompai to Puang Allataala Tompadenkiꞌ.
7 a bNasabaꞌ Iamo Puang Allataala to tasompa,
na kitaꞌmo ummaꞌ to Naparakai.
Ia tee kitaꞌ butung domba Narewai.
Pesaꞌdingngimi too to kadan-Na Nakua,
8 c “Danggiꞌ mimembattuk susi tojolomi
tonna jio padang pallawangan Masa jio Meriba.
9 Jiomo nanii tojolomi ncobai-Naꞌ, nauji-Naꞌ,
moi nakitami to sininna Kupugauk.
10 Patangpulo taunna Kunii mabaꞌci ngkitai to tojolomi,
Kumangkada Kukua, ‘Nang tolao salami,
na teꞌda naparinawai to parenta-Kuꞌ.’
11 d Gaja galli-Naꞌ, Kumassapah
Kukua, ‘Nang teꞌda nalamentama kampong kakendenan-Kuꞌ.’ ”