Puang Allataala Raja teꞌda anggena mangparenta
93
Puang Allataala, Iamo Raja!Kamalaꞌbiran-Na Napubaju
na kamawatangan-Na Napusaripih.
Tongan, Tapakeꞌdeh tee lino
na mawatang tangtigesuꞌ.
2 Ia to kaparentan-Taꞌ mellao jiona mai nang mawatang,
na nang denmi-Kiꞌ tempon jiona mai, teꞌda pamulanna na teꞌda anggena.
3 Oo Puang Allataala, ia to saꞌdan mandirrih mpangpesaꞌdingan oninna,
nannongngoh tipessambak lako batu.
4 Apa Kitaꞌ to makuasa mangparenta jao mai suruga,
laꞌbi mawatang na kamawatangan oni wai saꞌdan liwaꞌ tonggo.
5 Oo Puang Allataala, gaja watang to atoran-Taꞌ na teꞌda nakesulle,
namalaꞌbih to Bola-Taꞌ teꞌda anggena.