Siona kota-Na Puang Allataala
87
Mesaꞌ kelongna batiꞌ Korah.Puang Allataala ngkabuaꞌ pondasi kota-Na
jao buntu malaꞌbih-Na.
2 Sininna kota jio Israel,
kota Yerusalemmo to kaminang Nakabudai.
3 Ee tollan kota-Na Puang Allataala, pesaꞌdingngii,
Napau ngasan Puang Allataala to sininna kamalaꞌbiranna kotami.
4 Nakua, “Ia to to-Mesir sola to-Babel
la Kupatamai rekenan bangsa to nturuꞌ-Naꞌ,
moi to-Filistin, to-Tirus na to-Etiopia
direkenmi to jaji jio kota Yerusalem.”
5 Na lako kota Yerusalem nakua tau mangkada,
“Sininna bangsa, butung to jaji jio kota Yerusalem,
Puang Allataala to njaoanni sininna dewata mpewatangngi joo kota.”
6 Narekenni Puang Allataala tonna ukiꞌi to sininna bangsa nakua,
“Todijajian jio kota Yerusalem.”
7 Napada manggelluꞌ-gelluꞌ to tau makkelong nakua,
“Jio mai kota Yerusalem tanii nnampaꞌ sininna barakkaꞌ.”