Passambajang nadipamanyaman poleꞌ katuoanna to to-Israel
85
Dipatuju lako tomangpalunna tomakkelong. Kelongna batiꞌ Korah.2 Oo Puang Allataala, Tabarakkaꞌimo to kampong Israel tonna anuꞌ,
Tapemeloi poleꞌmo to katuoanna batiꞌna Yakub.a
3 Taaddampanganmi to ummaꞌ-Taꞌ,
na teꞌdamo Taingaranni to kasalanna.
4 Teꞌdamo Takabirihhi,
pajami to kamagallian-Taꞌ.
5 Oo Puang Allataala, Tomangpasalamaꞌkiꞌ, pemeloi poleꞌmi katuoankiꞌ,
Tapajaimi mapaꞌdik penawa lako kamiꞌ.
6 La Takabirih tarruhrakanka?
Danggiꞌ Takagallikan ratu lako batiꞌkiꞌ.
7 Pemeloi poleꞌmi katuoankiꞌ,
kipumasannangngi to pangtulung-Taꞌ.
8 Oo Puang Allataala, papajanni kumua tattaꞌ-Kiꞌ mpakamojaꞌkan,
Tapasalamaꞌmokan.
9 La kupesaꞌdingngi to kadan-Na Puang Allataala to Napau kumua,
la Napamanyamankiꞌ tee kitaꞌ ummaꞌ-Na
to tattaꞌ nturuꞌ pakkaeloran-Na,
apa danggiꞌmo tapugauk poleꞌ dosa.
10 Sitonganna sadia bang Puang Allataala mpasalamaꞌ to tongkalajaꞌ-ngkasiriꞌ-I,
napajan to kamalaꞌbiran-Na llan kampongtaꞌ.
11 Napasibawa Puang Allataala mpugauk kamamasean-Na na janjin-Na,
kamarurusan-Na na kamasannangan ummaꞌ-Na butung sirakaꞌ-rakaꞌ.
12 Ia to ummaꞌ-Na Puang Allataala,
to tattaꞌ nturuꞌ pakkaeloran-Na Puang Allataala,
susi tananan tuo melo namembuda,
na Puang Allataala to maruruh mparinawai jao mai langiꞌ.
13 Nabarakkaꞌikiꞌ Puang Allataala,
iamo joo namelo asseleꞌna to padangtaꞌ.
14 Kamarurusan-Na Puang Allataala butung tau to disua njoloan-Ni,
mpasadia lalan la Naola.