Puang Allataala Raja Malaꞌbih
82
Kelongna Asaf.Puang Allataala mpangparentanni llan kasitammuan malaekaꞌ jao suruga,
Napangngajahhii kumua,
2 “Danggiꞌmo mimangraꞌtah majekkong,
danggiꞌ turuꞌ lako togajaꞌ.
3 Pangkadanni to pea biung sola totangpakulle.
Pangkadanni to tokaasi-asi sola tomapaꞌdik.
4 Laꞌparanni to totangpakulle sola tokaasi-asi,
pasalamaꞌi jio mai kuasanna togajaꞌ.
5 Teꞌda apa miissen, mibangoꞌ, misala lalan.
Tangsirundunan to atoran llan kampong, napubuaꞌ panggaukanmi.
6 a Akuꞌ Puang Allataala to njaoanni sininna dewata mangka mangkada kumua,
anak-Kuꞌ ngasan kamuꞌ, jaji direken too kamuꞌ allataala.
7 Apa la mate ngasan kamuꞌ susi tolino biasa,
na moi midirekenmo tomapangkaꞌ, nang la kaꞌtu too sungaꞌmi.”
8 Oo Puang Allataala, Taraꞌtahmi to kara-karana tolino,
sabaꞌ sininna bangsa apan-Taꞌ ngasan.